U Rasii stvaryli robata «Fiodar» dla pracy ŭ adkrytym kosmasie
Nastupnaje pakaleńnie robataŭ «Fiodar» zmoža pracavać u adkrytym kosmasie i źviadzie da minimumu nieabchodnaść vychadaŭ kasmanaŭtaŭ za miežy stancyi, raspavioŭ RIA Naviny vykanaŭčy dyrektar pa pierśpiektyŭnych prahramach i navucy dziaržkarparacyi «Raskosmas» Alaksandr Błašenka.
Raniej paviedamlałasia, što pierad palotam na MKS «Fiodar» źmianiŭ imia na Skybot F-850 i atrymaŭ «hołas» dla znosin z kasmanaŭtami. Akramia taho, robat zavioŭ ułasny akaŭnt na Twitter.
Skybot zaraz znachodzicca na Bajkanury, dzie viadziecca jaho padrychtoŭka da palotu na MKS. U vajaž kibierkasmanaŭt adpravicca 22 žniŭnia, a vierniecca 7 vieraśnia. Paśla stykoŭki «Sajuza MS-14» sa stancyjaj robata pieraniasuć z karabla ŭ rasijski siehmient, dzie jon pad kiraŭnictvam kasmanaŭta Alaksandra Skvarcova vykanaje niekalki zadač.
«Kali ŭsie vyprabavańni projduć paśpiachova, nastupnaje pakaleńnie robataŭ sieryi FEDOR (Final Experimental Demonstration Object Research — Finalny Ekśpierymientalny Demanstracyjny Abjekt Daśledavańniaŭ) budzie testavacca za miežami arbitalnaj stancyi. U pierśpiektyvie heta dazvolić źvieści da minimumu ryzyku pracy kasmanaŭta ŭ kaśmičnaj prastory», — skazaŭ Błašenka.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary