Abrany prezident Litvy Hitanas Naŭsieda skazaŭ, što budzie padtrymlivać dyjałoh ź Biełaruśsiu, bo dla Litvy važnaja samastojnaść susiedniaj dziaržavy, piša Delfi.lt
«Biełaruś źjaŭlajecca vielmi važnym našym susiedam, vielmi važnym partnioram, jakomu my nadamo vialikuju ŭvahu. I ŭ našych intaresach, pierš za ŭsio, kab u našaj uschodniaj miažy byŭ niezaležny, samastojny i ekanamična dziejazdolny partnior, tamu Litva budzie padtrymlivać dyjałoh ź Biełaruśsiu», — skazaŭ Naŭsieda žurnalistam u aŭtorak.
Pavodle jaho słoŭ, pakul rana kazać ab tym, ci budzie hety dyjałoh «na samym vyšejšym uzroŭni ci na ŭzroŭni ministraŭ».
«Ja liču, što ŭ lubym vypadku my pryznajem fakt taho, što źjaŭlajemsia susiedziami, što ŭ nas rozny padychod da niekatorych pytańniaŭ. Heta nie vielizarnaja trahiedyja, i my možam heta abmiarkoŭvać», — śćviardžaje jon.
Rytoryka Naŭsiedy ŭ hetym pytańni trochi adroźnivajecca ad Dali Hrybaŭskajcie. Jana nie ŭchvalała dyjałohu ź Biełaruśsiu na vyšejšym uzroŭni z-za sajuza Biełarusi z Rasijaj i roznahałośsiaŭ pa AES u Astraŭcy.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary