Raka Vałožynka źmianiła koler, jaje vada zaśmiardzieła. Heta vyklikała tryvohu ŭ miascovych žycharoŭ, paviedamlaje ANT.
Raka raptoŭna nabyła małočnaje adcieńnie, prybiarežnaja trava pakryłasia žoŭtaj plonkaj. Kamunalniki vyjavili prablemu, ale zanadta pozna.
Jak vyśvietlili śpiecyjalisty, pryčynaj ekałahičnaha zdareńnia stała avaryja na pompavaj stancyi. Adkidy trapili ŭ raku biez usialakaj ačystki praz avaryjny skid.
Pad pahrozaj zabrudžańnia apynułasia nie tolki Vałožynka. Maleńkaja rečka ŭpadaje ŭ Isłač, a taja, u svaju čarhu, niasie svaje vody ŭ Nioman.
Pompavaja stancyja, ź jakoj źlili kamunalnyja adkidy, ciapier dzielić Vałožynku napałovu. Da miesca avaryi vada čystaja, a nižej — kałamutnaja, ź niazvykłym dla hetych miescaŭ niepryjemnym pacham. Ekołahi ŭziali proby z roznych učastkaŭ raki. Vynik daśledavańnia pakazaŭ, što hranična dapuščalnyja normy zabrudžvalnych rečyvaŭ nižej pa płyni pieravyšanyja ŭ niekalki razoŭ.
Štraf Vałožynskamu kamunalnamu pradpryjemstvu ŭžo vystaŭleny. Škodu pryrodzie inśpiekcyja achovy navakolnaha asiarodździa acaniła ŭ 33 tysiačy rubloŭ.
Uzrovień zabrudžańnia raki aficyjna pakul nie nazvany. Mahčyma, jon stanie viadomy paśla paŭtornaha daśledavańnia probaŭ.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie18
Kamientary