Amierykanskija sienatary Krys Van Cholen (demakrat) i Marka Rubia (respublikaniec) u sieradu, 3 krasavika, unieśli ŭ kanhres abnoŭlenuju viersiju zakonaprajekta «Ab strymlivańni zamiežnaha ŭmiašańnia ŭ amierykanskija vybary» (DETER Act).
Novaja viersija zakonaprajekta ŭklučaje ŭ siabie zabaronu dla amierykanskich hramadzian i kampanij na «novyja inviestycyi» ŭ rasijski enierhietyčny siektar (pierš za ŭsio heta nafta i haz) abo enierhietyčnuju kampaniju ŭ Rasii. Hetaha punktu nie było ŭ papiaredniaj viersii, pradstaŭlenaj u studzieni 2018 hoda.
Akramia taho, administracyja ZŠA pavinna budzie zabłakavać aktyvy i apieracyi ŭ amierykanskaj jurysdykcyi luboj zamiežnaj fizičnaj ci jurydyčnaj asoby, jakaja ažyćciaŭlaje novyja inviestycyi ŭ enierhietyčny siektar Rasii (druhasnyja sankcyi).
Punkt ab sankcyjach za inviestycyi ŭ rasijskuju enierhietyčnuju halinu zamianiŭ raniejšy punkt pra błakavańnie aktyvaŭ u ZŠA dźviuch abo bolš kampanij sa śpisa: Hazprom, «Rasnafta», ŁUKOJŁ.
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary