Kamisija pa kaardynacyi raboty pa sadziejničańni zaniataści nasielnictva vyznačaje pieryjad, na jaki biełarus, jaki žyvie za miažoj, nie ŭklučajecca ŭ bazu nie zaniatych u ekanomicy na asnovie paćviardžalnych dakumientaŭ.
Padrabiazna hety paradak rastłumačyŭ pieršy namieśnik ministra pracy i sacyjalnaj abarony Andrej Łabovič siońnia ŭ čas anłajn-kanfierencyi na sajtach BIEŁTA i Minpracy.
«Pieryjad, na jaki hramadzianie pryznajucca zaniatymi ŭ ekanomicy i nie ŭklučajucca ŭ śpis pracazdolnych hramadzian, nie zaniatych u ekanomicy, jakija apłačvajuć pasłuhi z pakryćciom zatrat, vyznačajecca kamisijaj na padstavie pradastaŭlenych dakumientaŭ, što paćviardžajuć zaniataść. Kali ŭ papierach paznačany termin ich dziejańnia (pieryjad), to rekamiendujecca hramadzianina nie ŭklučać u śpis da zakančeńnia paznačanaha ŭ takich dakumientach terminu ich dziejańnia (na ŭvieś pieryjad dziejańnia dakumientaŭ)», - skazaŭ Andrej Łabovič.
Kali ŭ dakumientach nie praduhledžana vyznačeńnie terminu ich dziejańnia (pieryjadu), to maksimalny pieryjad, na jaki hramadzianie nie buduć uklučacca ŭ śpis, rekamiendujecca vyznačać adzin hod. Kali ž hetyja dakumienty nie dazvalajuć paćvierdzić zaniataść bolš jak na adzin kvartał, to takija dakumienty nieabchodna pradstaŭlać u kamisiju štokvartalna.
Akramia taho, Andrej Łabovič nahadaŭ, što ŭ pałažeńni ab paradku adniasieńnia pracazdolnych hramadzian da nie zaniatych u ekanomicy, farmiravańnia i viadzieńnia bazy danych pracazdolnych hramadzian, nie zaniatych u ekanomicy, zamacavana patrabavańnie, što paćviardžalnyja dakumienty pavinny być pierakładzieny na ruskuju ci biełaruskuju movu. Pierakład pavinien być aficyjna zaśviedčany arhanizacyjaj, nadzielenaj takim pravam u adpaviednaści z zakanadaŭstvam krainy, na terytoryi jakoj ažyćciaŭlajecca pierakład.
Kamientary