Barysaŭčanin pradavaŭ u internecie nieisnujučyja rečy, ustanoŭlena ŭžo bolš za 40 paciarpiełych. Pra heta BIEŁTA paviedamiła aficyjny pradstaŭnik Barysaŭskaha RUUS Jana Karžavina.
Žychar horada Barysava sa žniŭnia 2018 hoda staŭ aktyŭna raźmiaščać u internecie abjavy ab prodažy patrymanych rečaŭ. Pradavaŭ mabilnyja telefony, bytavuju techniku, budaŭničyja instrumienty i mnohaje inšaje. Nabyć tavar prapanoŭvałasia šlacham pierasyłki pa pošcie, a abaviazkovaj umovaj kupli była pieradapłata, jakuju davierlivym hramadzianam prapanoŭvałasia pieraličyć na bankaŭskuju kartku albo na abaniencki numar.
Ceny byli nižejšyja za rynkavyja košty tavaraŭ, tamu pakupnikoŭ chapała.
«Barysaŭčaninu ŭdavałasia ŭvajści ŭ davier da patencyjnych pakupnikoŭ i zajmieć pieradapłatu. Paśla pieraličeńnia hrošaj złamyśnik niekatory čas prydumlaŭ pryčyny, čamu jon da hetaha času nie adpraviŭ tavar, a ŭžo potym źnikaŭ, adklučaŭ mabilny telefon, - raspaviała Jana Karžavin. - Siarod paciarpiełych pakupniki ź Minska, Barysava, Lidy, Rečycy, Mahilova, Vilejki i inšych haradoŭ. U ahulnaj składanaści barysaŭčanin padmannym šlacham zajmieŭ bolš jak Br2 tys. Atrymanyja hrošy traciŭ na asabistyja patreby «.
Zaviedziena kryminalnaja sprava pa č.2 art.209 KK (machlarstva).
Supracoŭniki kryminalnaha vyšuku Barysaŭskaha RUUS rekamiendujuć pry vybary tavaru ŭ internecie pa mahčymaści zabirać jaho asabista. Budzie nie lišnim nie hublać pilnaści i nie daviarać prapanovam ź nizkim koštam tavaru.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty10
Kamientary