Šoŭmen Uładzimir Zialenski vyłučaje svaju kandydaturu na pasadu prezidenta Ukrainy.
Pra heta jon abviaściŭ u efiry telekanała 1+1, dzie pakazvajuć jahonaje šou i jaki naležyć miljarderu Kałamojskamu.
«Ciapier, za niekalki chvilin da Novaha hoda, ja vam sioje-toje paabiacaju i adrazu vykanaju. Darahija ŭkraincy, ja abiacaju vam pajści ŭ prezidenty i adrazu vykonvaju. Ja idu ŭ prezidenty Ukrainy. Davajcie zrobim heta razam. Z Novym hodam, z novym słuhoj naroda», — zajaviŭ Zialenski pa-ŭkrainsku, choć viadzie svajo telešou pa-rasiejsku.
Telekanał «1+1» puściŭ vinšavańnie Zialenskaha z abviaščeńniem pra pachod u prezidenty ŭ čas, kali tradycyjna na telekanałach tranślujuć vinšavańni ad prezidenta. Zvarot kiraŭnika dziaržavy Piatra Parašenki na kanale puścili ŭžo paśla paŭnočy.
Zialenski pramaŭlaŭ zadušeŭnym, dobra pastaŭlenym hołasam.
Niekatoryja va Ukrainie vykazvajuć niepakoj suviaziami Zialenskaha z Kałamojskim — aliharcham z sumnieŭnaj reputacyjaj.
Kamientary