U Biełarusi vyznačyli pieralik abaviazkovych dla aptek biełaruskich i rasijskich lekaŭ, paviedamlajecca na Nacyjanalnym pravavym internet-partale Biełarusi. Pieralik zamacavany pastanovaj Ministerstva achovy zdaroŭja ad 10 śniežnia 2018 hoda № 92. U pieraliku — bolš za 240 najmieńniaŭ lekaŭ 13 anatamičnych hrup, piša Źviazda.
Naprykład, dla stravavalnaha trakta i abmienu rečyvaŭ u liku inšaha paznačany amieprazoł, dratavieryn, spazmaton, nifuraksazid, łapieramid i inšyja. Dla kryvi i kryviatvornych orhanaŭ — acetylsalicyłavaja kisłata, falijnaja kisłata i inšyja. Dla sardečna-sasudzistaj sistemy — hlicerył trynitrat, validoł, mieldonij, furasiemid, hieparyn i inšyja. Siarod dermatałahičnych srodkaŭ — mikanazoł, nistacin, mieciłuracył i inšyja.
Dla močapałavoj sistemy i siarod pałavych harmonaŭ paznačany chłorhieksidzin, furazalidon i inšyja; siarod antyinfiekcyjnych srodkaŭ dla sistemnaha ŭžyvańnia — daksicyklin, amaksicylin, fłukanazoł, acykłavir i inšyja. Siarod procipuchlinnych i imunamadulujučych srodkaŭ — interfieron alfa-2b; dla kaściova-myšačnaj sistemy — hlukazamin, ibuprafien, nimiesulid, kietarałak i inšyja; dla niervovaj sistemy — lidakain, anhrymaks, paracetamoł, cytramon-barymied, vinpacecin, piracetam, hlicyn i inšyja.
Siarod supraćparazitnych srodkaŭ, insiektycydaŭ i repielentaŭ — mietranidazoł, piranteł i inšyja; dla dychalnaj sistemy — aksimietazalin, rynacył, ambraksoł, łaratadzin i inšyja; dla lačeńnia zachvorvańniaŭ orhanaŭ pačućciaŭ — vočnyja kropli levafłaksacyn, dykłafienak, ślaza štučnaja i inšyja.
Dakumient ustupaje ŭ siłu praź miesiac paśla jaho aficyjnaha apublikavańnia.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary