Žančyna naradziła zdarovaje dzicia paśla pierasadki matki ad miortvaha donara
Brazilskija lekary paviedamili pra praryŭ u repraduktyŭnaj miedycynie: žančyna vynasiła i naradziła dzicia paśla taho, jak joj pierasadzili matku ad pamierłaha donara. U vyniku naradziłasia zdarovaja dziaŭčynka.
10-hadzinnaja apieracyja pa transpłantacyi orhana i nastupnaja repraduktyŭnaja terapija prachodziła ŭ brazilskim San-Paŭłu ŭ 2016 hodzie, ale viadoma pra heta stała tolki ciapier paśla publikacyi ŭ miedycynskim časopisie Lancet.
U historyi miedycyny byli 39 vypadkaŭ paśpiachovaj pierasadki matki ad žyvych donaraŭ, u tym liku ad maci, jakija pahadzilisia addać matku svaim dočkam. U vyniku hetych apieracyj naradzilisia 11 dziaciej.
32-hadovaja recypijentka naradziłasia z parokam raźvićcia matki. Žančyna atrymlivała śpiecyjalnyja preparaty dla pasłableńnia imunitetu, zaklikanyja praduchilić adrynańnie pierasadžanaha orhana.
Praz prykładna šeść tydniaŭ paśla apieracyi ŭ žančyny adnaviŭsia mienstrualny cykł. Praź siem miesiacaŭ joj praviali praceduru EKA.
U vyniku narmalnaj zdarovaj ciažarnaści 15 śniežnia 2017 hoda z dapamohaj kiesarava siačeńnia naradziłasia zdarovaja dziaŭčynka vahoj 2,5 kiłahrama.
Donaram matki stała maci traich dziaciej, jakoj było za 40, jana pamierła ad krovaźlićcia ŭ mozh. Da hetaha jana zaviaščała svajo cieła navucy.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary