Śpiavak Džaścin Bibier aficyjna paćvierdziŭ, što ažaniŭsia. Fatahrafiju z vybrańnicaj kanadziec apublikavaŭ na svajoj staroncy ŭ «Instahramie».
Žonkaj papularnaha muzykanta stała madel i dyzajnier Chejli Bołduin — mienšaja dačka akciora Styviena Bołduina. I choć na zdymku para nie staić la ałtara ŭ viasielnych strojach, podpis da hetaj fatahrafii adchilaje ŭsie sumnievy.
«Maja žonka cudoŭnaja», — napisaŭ Bibier.
Raniej ŚMI paviedamlali pra toje, što Džaścin zrabiŭ Chejli prapanovu na viečarynie ŭ hateli na Bahamach. Adnak, pa čutkach, ubačyć heta zmahli tolki prysutnyja, bo achova paprasiła prybrać usie mabilnyja telefony.
Dalej byli paviedamleńni, što para była zaŭvažanaja ŭ budynku suda ŭ Ńju-Jorku, dzie vydajuć paśviedčańnia ab zaklučeńni šlubu. Adnak i paśla hetaha nijakich aficyjnych paćvierdžańniaŭ ad maładych tak i nie było. Tolki fatahrafii ŭ sacsietkach.
Usie sumnievy ŭžo amal kančatkova raźviejalisia, kali Chejli padała dakumienty na rehistracyju novaha tavarnaha znaka svajoj liniejki adzieńnia, ale ŭžo z proźviščam muža.
-
Moža i dobra było b, kab mužčyny rabili heta 20 razoŭ na miesiac
-
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty
-
Što takoje mužčynskaja kantracepcyja ciapier? Navukoŭcy navučylisia vyklučać i ŭklučać vypracoŭku śpiermatazoidaŭ
Kamientary