U minskim handlovym centry «Arena-Sici» abvaliłasia stol, jość paciarpiełyja FOTY, VIDEA
U minskim handlovym centry «Arena-Sici» abvaliłasia stol. Pra heta paviedamiŭ karespandent «NN», jaki staŭ vidavočcam padziej.
Adnu dziaŭčynu vynieśli na rukach, ale jana ŭ prytomnaści. Druhuju zavaliła tak, što jana apynułasia pad łaŭkaj. Ale ŭ vyniku zmahła syści na svaich nahach.
Paciarpieli krama kvietak i punkt prodažu aksesuaraŭ dla mabilnaj suviazi.
Usio pačałosia ź levaha kryła handlovaha centra. Spačatku pačuŭsia hrukat, nibyta iduć niejkija budaŭničyja pracy. Zatym palacieli kavałki stoli i pačuŭsia žanočy kryk.
Stol padała kavałkami: heta hipsakarton na aluminijevych kanstrukcyjach. Pieršyja kavałki ŭpali na dziaŭčynu ŭ kvietkavaj kramie. Jaje pryvaliła, ale kali stała zrazumieła, što abrynułasia ŭžo ŭsio, što mahło, naviedniki dastali dziaŭčynu z-pad zavałaŭ. Jana była ŭ šoku, kazała, balić naha i rebry.
Zavaliła jašče adnu dziaŭčynu. Ale joj pašancavała bolš — jana zalezła pad łaŭku, kali pabačyła, što sa stoli padajuć kavałki.
Ciapier na miescy pracujuć ratavalniki, daktary i milicyja.
U MNS karespandentu «NN» paviedamili, što abrynułasia kala 150 kvadratnych mietraŭ pierakryćcia.
Čytajcie taksama: Paciarpiełaja ŭ «Arena Sici» znachodzicca ŭ stanie siaredniaj stupieni ciažkaści
Čytajcie taksama: Chto vałodaje handlovym centram «Arena-Sici», u jakim abrynułasia stol?
Čytajcie artykuł za 2013 hod: Adkryvajecca «Arena-Sici» — samy vialiki hipiermarkiet Juryja Čyža
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary