Suzasnavalnik Microsoft i adzin z najbahaciejšych ludziej śvietu Poł Alen pamior u Sietle. U pačatku kastryčnika jon paviedamiŭ, što daktary vyjavili ŭ jaho rakavuju puchlinu.
Alenu było 65 hod. U 1975-m hodzie jon razam ź Biłam Hiejtsam zasnavaŭ karparacyju Microsoft.
«Z hłybokim škadavańniem my paviedamlajem pra śmierć našaha zasnavalnika Poła Alena, suzasnavalnika Microsoft… Spadar Alen pamior u paniadziełak dniom, 15 kastryčnika 2018 hoda, ad uskładnieńniaŭ niachodžkinskaj limfomy ŭ Sietle», — havorycca ŭ zajavie kampanii.
«Usie my, chto mieŭ honar pracavać z Połam, siońnia adčuvajem vialikuju stratu. Jon vałodaŭ vydatnym intelektam i zapałam vyrašać adny z samych składanych prablem u śviecie, vieraj u tvorčaje myśleńnie i novyja padychody», — prakamientavaŭ śmierć Alena hiendyrektar Vulcan Inc Bił Chiłf.
Kamientary