U 2016 hodzie Viarchoŭny sud prysudziŭ Alenu Mielnikavu da 13 hadoŭ kałonii ahulnaha režymu. Žančyna prachodziła pa «spravie sudździaŭ», jaje pryznali vinavataj u atrymańni chabaraŭ, choć sama Mielnikava padčas pracesu vinu admaŭlała.
— Alena pamierła siońnia nočču ŭ kałonii. Zaŭtra jaje pavinny byli vyzvalić, a śpiecyjalnaja mašyna — advieźci na lačeńnie ŭ ankadyspansier, — raspaviadaje TUT.BY znajomy siamji.
Viasnoj 2016 hoda Viarchoŭny sud słuchaŭ kryminalnuju spravu ŭ dačynieńni da svaich byłych kalehaŭ. Na łavie padsudnych apynulisia sudździ Ekanamičnaha suda Minska 38-hadovy Juryj Hrušecki i 54-hadovaja Alena Mielnikava. Kali pieršy fihurant całkam pryznaŭ svaju vinu ŭ atrymańni chabaraŭ na sumu 68 tysiač dołaraŭ, to Alena Mielnikava admaŭlała, što zacikaŭlenyja asoby pieradali joj 13 800 dalaraŭ. Z abvinavačvańniem žančyna była całkam nie zhodnaja.
Viarchoŭny sud pryhavaryŭ Hrušeckaha da 11 hadoŭ pazbaŭleńnia voli, Mielnikavu — da 13.
— Alena adbyvała pakarańnie ŭ Homielskaj žanočaj kałonii, letam stała rychtavać dakumienty pa nahladnaj skarzie, ale ŭ červieni pačała skardzicca na boli ŭ žyvacie. Jana i tak była chudoj, a tut raptam rezka schudnieła, zhareła. Tolki ŭ žniŭni dačka zmahła damahčysia jaje abśledavańnia, dyjahnastavali ankałahičnaje zachvorvańnie, 4-ju stadyju. Chutka stali rychtavać dakumienty na jaje vyzvaleńnie, chutka ich padpisali, heta značyć na papierach na siońnia Alena ŭžo nie ličycca ŭ kałonii, choć tam znachodziłasia da samaj śmierci. Zaŭtra jaje pavinny byli vyzvalić, na hety dzień zamovili śpiecyjalnuju mašynu, jakaja b adviezła jaje ŭ Minsk u ankadyspansier, — kaža znajomy siamji Aleny Mielnikavaj.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja25
Kamientary