Partyja vyznačaje koła pretendentaŭ na vyšejšuju dziaržaŭnuju pasadu. Miarkujecca, što na nastupnych prezydenckich vybarach adzinaha kandydata ad demsił nia budzie.
Praŭda, pakul što tolki ŭ rehijanalnych i miascovych strukturach svajoj partyi. U vyniku budzie abrany adziny pretendent ad partyi, jaki potym praciahnie baraćbu za prezidenckaje kresła.
— U sakaviku źjezd nazavie, chto budzie hałoŭnym kandydatam ad BNF, a chto jaho dubloram, — paviedamiŭ «Salidarnaści» staršynia partyi Lavon Barščeŭski. — Viaducca taksama i pieramovy ŭnutry ADS. Dumaju, hetym razam ad demsiłaŭ buduć vyłučanyja dva kandydaty: adzin bolš pranacyjanalny, druhi — mienš (ci, moža, pa niejkim inšym kryteryi).
Śpis siońniašnich pretendentaŭ ad partyi, pa słovach Lavona Barščeŭskaha, nie kančatkovy i moža ŭdakładniacca: pakul nieviadomyja vyniki schodaŭ u niekatorych rehijanalnych arhanizacyjach. Da taho ž kandydaty mohuć u luby čas admovicca ad dalejšaha ŭdziełu ŭ kampanii.
Na siońnia ŭ liku pretendentaŭ značacca:
Siarhiej Antusievič (siabra sojma partyi, Hrodna), Ihar Lalkoŭ (Minsk), Alaksandr Miech (Kobryn), Ivan Šeha (siabra sojma partyi, Słonim), Siarhiej Malčyk (kiraŭnik Hrodzienskaj abłasnoj arhanizacyi), Ryhor Kastusioŭ (siabra sojma partyi, kiraŭnik Mahiloŭskaj arhanizacyi), Źmicier Sałaŭjoŭ (siabra sojma partyi, Mahiloŭ).Siarod kandydataŭ jość taksama adna žančyna — heta siabra Sojmu partyi, paetesa
Lera Som.
U śpis uvajšoŭ i były staršynia partyi, a zaraz pieršy namieśnik Vincuk Viačorka. Adnak niekatoryja pahavorvajuć, što, niahledziačy na stanoŭčy imidž u partyi, Viačorka źbirajecca źniać svaju kandydaturu na karyść siońniašniaha staršyni Lavona Barščeŭskaha, jaki taksama značycca ŭ śpisie pretendentaŭ.
Mahčyma peŭnaja rakiroŭka i ŭ bok … Ihara Lalkova (u šerahach partyi śćviardžajuć, što mienavita jon byŭ abrany najbolšaj kolkaściu rehijanalnych schodaŭ). Pa infarmacyi «Salidarnaści», niekalki pretendentaŭ taksama majuć namier źniać pad jaho svaje kandydatury.
— Zaraz ja nie mahu dakładna skazać, kaho vyłučyła bolšaja kolkaść schodaŭ, ‑‑ adznačaje Lavon Barščeŭski. — Usio roŭna heta nie značyć, što toj, kaho bolš nazvali, i stanie hałoŭnym kandydatam. Adno mahu skazać, što my majem staŭku na moładź: na tych, chto dobra zarekamiendavaŭ siabie padčas parłamienckich vybaraŭ. Tak, naprykład, jak Ivan Šeha, Alaksandr Miech. Što da majoj kanydatury, to ja pajdu tolki ŭ tym vypadku, kali znajdu peŭnyja resursy. U kampaniju nie iduć prosta tak, razmachvajučy rukami.
Adznačym, što ŭ śpisie BNF nie značycca kandydatura byłoha namieśnika partyi Alesia Michaleviča,jaki ŭ červieni byŭ vyklučany z partyi za parušeńnie ŭnutrypartyjnaj etyki, ale dahetul zastajecca namieśnikam staršyni hramadskaha abjadnańnia BNF «Adradžeńnie». Viadoma, što jašče raniej jon taksama zajaŭlaŭ pra žadańnie vyłučać svaju kandydaturu na prezidenckija vybary.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary