Na staronkach svajho časopisa Hviniet Pełtroŭ raiła rabić kavavyja klizmy i kuplać sprei ad enierhietyčnych vampiraŭ
Vydaviectva Condé Nast spyniła vypusk časopisa aktrysy Hviniet Pełtroŭ TheGoop ab nietradycyjnaj miedycynie paśla vychadu dvuch numaroŭ.
Pryčynaj zakryćcia stali niepaćvierdžanyja fakty, jakija publikavalisia ŭ časopisie. Vydaviecki dom nastojvaŭ na praviadzieńni fakt-čekinhu vykazvańniaŭ śpikieraŭ ź miedycynskaha i navukovaha punktaŭ hledžańnia, adnak pravierku Pełtroŭ paličyła biessensoŭnaj. Pavodle jaje słoŭ, supracoŭniki časopisa brali intervju ŭ kampietentnych ekśpiertaŭ u svaich halinach.
Časopis i sajt TheGoop nie raz padviarhaŭsia krytycy praz publikacyju paradaŭ, jakija mohuć nanieści škodu zdaroŭju. Naprykład, u kramie Pełtroŭ možna znajści kavavuju klizmu, vykarystańnie jakoj moža pryvieści da rektalnych apiokaŭ, paškodžańnia toŭstaj kiški abo navat śmiarotnaha kanca. Taksama aktrysa prapanoŭvali ŭvodzić žančynam unutr niefrytavyja jajki dla pavieličeńnia sieksualnaj enierhii, što stała nahodaj dla šmatlikich krytyčnych vykazvańniaŭ.
Na sajcie Pełtroŭ jašče možna znajści sprečnyja pa efiektyŭnaści tavary nakštałt sprejaŭ ad enierhietyčnych vampiraŭ i nibyta zaradžanyja šamanami kamiani.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary