Pavodle paviedamleńniaŭ profilnych telehram-kanałaŭ, u Minsku prajšli pieratrusy ŭ ofisach kampanii Royal Partners, jakaja pracuje ŭ śfiery partniorskich prahram dla anłajn-kazino. Ale aficyjnaha paćviardžeńnia hetaj infarmacyi pakul niama, piša Reform.news.
U paviedamleńniach profilnych kanałaŭ śćviardžajecca, što ranicaj pieratrus adbyŭsia jak minimum u adnym z ofisaŭ kampanii. Pavodle nieaficyjnych źviestak, častku supracoŭnikaŭ zatrymlivali, a techniku vyvieźli. Paźniej bolšaść zatrymanych nibyta adpuścili.
Supracoŭniki Royal Partners, jakija pracujuć dystancyjna, vychodziać na suviaź, ale nie kamientujuć situacyju — mahčyma, z-za damoŭlenaściaŭ ab nierazhałošvańni. Pryčyny praviadzieńnia pieratrusaŭ pakul nieviadomyja, aficyjnyja orhany ničoha nie paviedamlali.
Taksama niama jasnaści, jak heta paŭpłyvaje na pracu kampanii i vypłaty ŭ miežach partniorskich prahram. U nieaficyjnych krynicach źjaŭlajucca tolki zdahadki, što mohuć być uviedzienyja peŭnyja abmiežavańni.
Royal Partners — heta kampanija ź śfiery iGaming, jakaja zajmajecca partniorskimi prahramami i prasoŭvańniem anłajn-kazino. Jana pracuje z 2017 hoda i źviazanaja ź mižnarodnym rynkam, choć maje aktyŭnuju prysutnaść u Biełarusi.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary