Pravaabaroncy: U Navapołacku zatrymali 12 žančyn u suviazi z kulturnickimi inicyjatyvami
Niekatorych advieźli ŭ SIZA ŭ Viciebsku.
23 krasavika ŭ horadzie byli zatrymany nie mienš za 12 žančyn. Va ŭsich doma praviedzieny pieratrusy, niekalki čałaviek adrazu advieźli ŭ viciebski SIZA, astatnich dapytvali ŭ Navapołacku. Ź ich 8 čałaviek adpuścili tym samym viečaram, piša «Viasna».
U adnoj z zatrymanych znajšli padpiski na «ekstremisckija» infarmacyjnyja resursy, jaje pratrymali pad vartaj troje sutak i ŭ minuły paniadziełak aštrafavali. Viadoma, što na ŭčorašni dzień prynamsi dźvie žančyny zastavalisia za kratami.
Z usich žančyn uziali padpiski ab niavyjeździe i nierazhałošvańni.
Pavodle niekalkich inšych krynicaŭ, zatrymańni byli źviazanyja z kulturnickimi prajektami i stali nastupstvam taho, što 9 krasavika MUS pryznaŭ «ekstremisckim farmavańniem» šerah kulturnickich inicyjatyvaŭ. Pra heta było abvieščana tolki 24 krasavika, adnak zatrymańni adbylisia napiaredadni. Pryčym nie tolki ŭ Navapołacku: viadoma, što troch žančyn 23 krasavika zatrymali ŭ Barysavie, jašče niekalki — u Słonimie, Breście i Žodzinie.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
Do kakoho dniŝa došioł łukaš, došli švied, tiertiel, kubrakov!
U nich dniŝa niet.
Rassčitajutsia, ankołohijej, biezdietnosťju, nieustrojennosťju i nieprikajannosťju dieti i vnuki do 10 kolena..
I chvatit takta i samocienzury v otnošienii etich upyriej, kak i cienzury na NN po otnošieniju k etim nieludiam!