Sacyjalnaja sietka Facebook pačała vypuskać drukavany časopis Grow («Rost»), pryśviečany biznesu. U pieršym numary raspaviadajecca pra nišavyja brendy, piša FIPP.
Pa słovach Mikoły Miendelsona, vice-prezidenta Facebook u Jeŭropie, Afrycy i na Blizkim Uschodzie, ideja vypuścić ułasny časopis źjaviłasia dzieści paŭhoda tamu na adnoj z kanfierencyj kampanii. Pakul što Grow źbirajucca vypuskać raz na try miesiacy.
Časopis užo pačali raspaŭsiudžvać u załach čakańnia dla pasažyraŭ biznes-kłasa aeraporta Chitroŭ i na niekalkich zakrytych łondanskich placoŭkach. Dla vokładki pieršaha numara źniaŭsia šviedski pradprymalnik Oskar Ołsan, kreatyŭny dyrektar brenda adzieńnia Nylon, aryjentavanaha na milenijałaŭ.
Stvaralniki časopisa ŭparta maŭčać pra jaho finansavańnie, redakcyjnuju palityku i budučyja temy. Ad zasnavalnika Facebook Marka Cukierbierha taksama pakul nie było kamientaroŭ z nahody Grow.
Zatoje na vypusk časopisa burna adreahavaŭ Chuan Sieńjor, prezident kansałtynhavaj kampanii Innovation Media Consulting, zaprošany vykładčyk Oksfardskaha ŭniviersiteta.
When the world's biggest social media platform wants to associate its brand with credibility, it launches a print magazine w/ massive display bookshelves at LHR first class lounge. But wait! isn't print dead? Didn't Facebook kill it off? #facebook #fipp #wanifra #print #inma pic.twitter.com/OqwFI9Cz9R
«Kali najbujniejšaja ličbavaja sacyjalnaja sietka ŭ śviecie choča vyklikać davier da svajho brendu, jana zapuskaje drukavany časopis… Ale pačakajcie, chiba druk nie pamior? Chiba Facebook jaje nie zabiŭ? ».
Z tekstami Grow možna paznajomicca na aficyjnym sajcie vydańnia.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary