16 červienia ŭ Minsku projdzie Vialiki brytanski fiestyval. Upieršyniu ŭ maštabie haradskoha śviata Vialikabrytanija prademanstruje svaju kulturu, biznes, adukacyju, sport i inšyja śfiery, u jakich jana tradycyjna GREAT. Poŭnuju prahramu biaspłatnaha fiestyvalu ŭ Vierchnim horadzie raskryli arhanizatary śviata — pasolstva Vialikabrytanii ŭ Biełarusi.
— Dla pieršaha Vialikaha brytanskaha śviata ŭ Minsku my śpiecyjalna vyznačyli niekalki śfier, dasiahnieńniami ŭ jakich Vialikabrytanija hanarycca, — raspaviadaje spadarynia Fijona Hib, nadzvyčajny i paŭnamocny Pasoł Złučanaha Karaleŭstva Vialikabrytanii i Paŭnočnaj Irłandyi ŭ Respublicy Biełaruś. — U Vierchnim horadzie my prezientujem kulturu, biznes, sport, modu, ježu, muzyku, teatr i adukacyju našaj krainy.
Vučycca
Padčas fiestyvalu Karetny dvoryk pieratvorycca ŭ filijał adnaho z brytanskich univiersitetaŭ, dzie možna budzie daviedacca pra ŭsie etapy atrymańnia vyšejšaj adukacyi — ad atrymańnia stypiendyi da pastupleńnia ŭ prestyžny ŭniviersitet i abarony dypłoma. Hości fiestyvalu zmohuć zdać probnuju viersiju mižnarodnaha ekzamienu IELTS, najbolš papularnaha moŭnaha testu dla pastupleńnia ŭ brytanskija ŭniviersitety, pravieryć svoj uzrovień arfahrafii i vymaŭleńnie.
Vypuskniki Oksfarda i Łondanskaha ŭniviersiteta mastactvaŭ padzielacca łajfchakami dla žyćcia i vučoby ŭ inšaj krainie i raskaža pra pieravahi brytanskaha dypłoma dla zamiežnikaŭ. Ź inšych «typovych» dla brytanskich studentaŭ zabavak — konkurs Spelling Bee (vymaŭleńnie słoŭ pa litarach) i spabornictva pa skrebłu.
Dla taho, kab usie hości fiestyvalu mahli paznajomicca z anhielskaj litaraturaj i movaj, arhanizatary padrychtujuć čatyry stendy z kłasikaj dla bukkrosinhu. Tvory brytanskich aŭtaraŭ u aryhinale buduć dastupnyja na vialikim knižnym markiecie.
Hulać
Na vulicy Zybickaj za adnu noč uźviaduć tenisny kort u maštabie 1:2 da znakamitaha stadyjona va Uimbłdonie. Tut možna budzie atrymać biaspłatny ŭrok vialikaha tenisa ci sfatahrafavacca z kubkam Maksima Mirnaha.
Adčuć siabie členam zakrytaha anhlijskaha kłuba ŭdasca padčas treniroŭki pa holfie ad kampanii ProGolf. Dla fanataŭ futbolnych kłubaŭ «Mančester Junajted» i «Livierpul» kampanija Microsoft praviadzie čempijanat pa futbole na XBox. Hulniavuju placoŭku ad «Paleśsia» i fotazonu ad Mothercare adkryjuć dla maleńkich haściej fiestyvalu.
Častavacca
Kafe i restarany pryhatujuć stravy pa receptach brytanskaj kuchni. Śpiecyjalna da fiestyvalu šef-kuchary raspracujuć aŭtarskaje mieniu ź fiš-end-čyps, pastušynym pirahom i desiertami da 5 o'clock tea. Siarod udzielnikaŭ fudkorta asobnuju nišu zojmuć «chmielnyja» ŭstanovy ź dziasiatkami hatunkaŭ piva. Šumnyja bary Vierchniaha horada taksama dałučacca da śviata i prapanujuć lubimyja brytancami viski i el.
Hladzieć i słuchać
Pa ŭsioj terytoryi Vierchniaha horada prahučać papularnyja brytanskija miełodyi ŭ vykanańni artystaŭ ź Vialikabrytanii. U Minsk jeduć barabanščyki Melodians Steel Orchestra, kavier-bend Somethin' Regenerated, eks-vakalistka hurta Kosheen.
Projdzie modny pakaz žanočaha adzieńnia i aksesuaraŭ ad Devida Łanhšou, u minułym dyzajnier Alberta Ferretti i modnaha doma Max Mara, i jaho žonki Kirści Uord. Udzieł brenda Longshaw Ward u brytanskim fiestyvali prachodzić pry padtrymcy arhanizataraŭ BFW.
Artysty ź Vialikabrytanii pradekłamujuć uryŭki tvoraŭ Šekśpira, a interpretacyju pjesy «Dvanaccataja noč» pakaža Nacyjanalny akademičny dramatyčny teatr imia Maksima Horkaha. Mastackaje majsterstva prademanstruje Ben Tełan, papularny ilustratar z Mančestera. Jon prybudzie ŭ Minsku za niekalki dzion da festu, kab paznajomicca ź biełaruskim stryt-artam, a ŭžo na samym śviacie stvoryć art-abjekt, jaki stanie padarunkam horadu.
Novieńkija Jaguar, Bentley, Range Rover i Mini prezientujuć na vialikim brytanskim «aŭtasałonie». Taksama svaje dasiahnieńni pakažuć kampanii Perkins Engines i JCB, suśvietnyja lidary pa vytvorčaści mašyn i abstalavańnia.
Zavieršycca fiestyval a 23:00 viečarynaj ad łondanskaha kłubnaha brenda Ministry of Sound.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary