Stała viadoma pra jašče adnaho biełarusa, jaki zahinuŭ za Ukrainu FOTY
Bliźniuku było ŭsiaho tolki 26 hadoŭ. Jahonyja baćki — Alena Bielevancava i Uładzimir Bliźniuk — rodam ź Biełarusi, paviedamlaje sajt «Suśpilnyj koriespondient». Maci — artystka razmoŭnaha žanru. Baćka — były vajskoviec, padpałkoŭnik, adznačany ŭznaharodami AAN za miratvorčuju dziejnaść. Baćka skončyŭ Čarnihaŭskaje lotnaje vučylišča, što i abumoviła pierajezd va Ukrainu.
«Ukraina stała našaj druhoj Baćkaŭščynaj», — kaža Alena Bielevancava.
Na ŭkrainskich sajtach, dzie źbirajecca infarmacyja pra ŭsich, chto zahinuŭ padčas vajny, nacyjanalnaść Uładzimira Bliźniuka paznačajecca jak «biełarus».
Mama raskazvaje, što syn zachaplaŭsia vyvučeńniem movaŭ, vydatna razmaŭlaŭ pa-anhlijsku. Słužyŭ u armii ŭ Charkavie, zachaplaŭsia ihroj na hitary, zajmaŭsia rukapašnym bojem. Vučyŭsia na zavočnym jurydyčnym fakultecie, jaki tak i nie skončyŭ, bo z šostaha kursa ŭniviersiteta nakiravaŭsia prosta na pieradavuju.
Kali pačałasia vajna, to jany z baćkam pryjšli zapisvacca dobraachvotnikami. Ale baćku nie ŭziali praź viek. Uładzimir słužyŭ u 13-m terytaryjalnym bataljonie.
Zahinuŭ chłopiec 6 vieraśnia 2014 hoda ŭ Stanicy-Łuhanskaj, kali budynak, dzie jon znachodziŭsia, abstralali ź minamiotaŭ. Bliźniuk pamior ad straty kryvi. Heta było ŭžo ŭ čas spynieńnia ahniu.
«Vałodzia byŭ sapraŭdnym patryjotam Ukrainy i nie ŭjaŭlaŭ sabie inšaha vybaru», — kaža maci.
U siamji jość małodšy syn Alaksiej, jakomu ciapier 15 hadoŭ, jon vučycca ŭ toj samaj himnazii, dzie kaliści Uładzimir.
Admietna, što padčas naviedvańnia Čarnihava z Alenaj Bliźniuk sustrakaŭsia pasoł Biełarusi va Ukrainie Ihar Sokał, jaki vykazaŭ žančynie spačuvańni, a taksama padaryŭ biełaruski nacyjanalny kaścium.
U 2016 hodzie Uładzimira Bliźniuka paśmiarotna ŭznaharodzili ordenam «Za mužnaść» III stupieni.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi1
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary