25 krasavika 2018 hoda ŭ Mastackaj halerei Michaiła Savickaha adbudziecca adkryćcio piersanalnaj vystaŭki siabra Biełaruskaha sajuza mastakoŭ Kastusia Kačana «Pravincyja». Pryśviačajecca Hodu małaj radzimy.
Na vystaŭcy ekspanujecca bolš za 80 pałotnaŭ mastaka. Unikalnaść pradstaŭlennych u ekspazicyi tvoraŭ źjaŭlajecca ŭ tym, što ŭ ich vyrazna vyjaŭleny pryjarytety, charakternyja amal usim karcinam mastaka — tradycyjnaja architektura, kałaryt žyćcia viaskovaha čałavieka, niepaŭtornaja, praniknionaja pryhažość biełaruskaj pryrody.
Kastuś Kačan praciahvaje tradycyi ruskaj realistyčnaj škoły žyvapisu. U toj ža čas mastak vielmi dakładna vyznačaje dla siabie mieru ŭzajemadziejańnia realistyčnaha piśma z šeraham znakavych vobrazaŭ i simvałaŭ.
Siužety karcin, pradstaŭlenych na vystaŭcy, na pieršy pohlad davoli prostyja i niepieraborlivyja — reki, drevy, pali, nievialikija viosački i miastečki sa staražytnymi chramami. Adnak unutranym lejtmatyvam u tvorčaści mastaka źjaŭlajecca tema Viečnaha i Viečnaści. Mienavita tamu jaho tvory, pa sutnaści, pazbaŭleny prykmietaŭ času. Minułaje i sučasnaść nie supraćpastaŭlajucca, nie adasablajucca adno ad adnaho, ale znachodziacca ŭ prastorava-časavym adzinstvie. Piejzažy Kačana stvarajuć harmaničnuju panaramu suisnavania čałavieka i pryrody.
Radzimaj žyvapisca źjaŭlajecca cichaja, utulnaja biełaruskaja pravincyja, luboŭ da jakoj jon zachavaŭ i da siońnia. Adsiul i pryjarytety ŭ jaho mastactvie, siarod jakich — ulubionaja tema žyćcia malelkich haradoŭ i miastečach ź vialikaj historyjaj.
Tvory Kastusia Kačana znachodziacca ŭ fondach Nacyjanalnaha mastackaha muzieja Respubliki Biełaruś; Nacyjanalnaha centra sučasnych mastactvaŭ; Mahiloŭskaha abłasnoha mastackaha muzieja imia P. Maślenikava; Hrodzienskaha dziaržaŭnaha historyka-archieałahičnaha muzieja; Doma-muzieja A. Mickieviča ŭ Navahrudku; Biełaruskaha dziaržaŭnaha muzieja architektury i pobytu; Nacyjanalnaha Połackaha historyka-kulturnaha muzieja-zapaviednika; a taksama ŭ fondach Biełaruskaha sajuza mastakoŭ, fondach Ministerstva kultury Rasijskaj Fiedyracyi, u pryvatnych kalekcyjach Biełarusi, Bielhii, Vielikabrytanii, Hiermanii, Izraila, Litvy, Polščy, Rasii, ZŠA, Turcyi, Ukrainy, Paŭdniovaj Karei.
Vystaŭka praciahniecca da 20 maja 2018 hoda.
Adras: pł. Svabody, 15
minskmuseum.by
Kamientary