U baraćbu z darmajedami ŭklučylisia vajenkamaty. Pryčym vyklikajuć navat tych, chto pracuje
U Žłobinie sabrali vajennaabaviazanych, jakija zvolnilisia paśla terminovaj słužby, kab pravieści ź imi prafiłaktyčnaje mierapryjemstva.
Bolš za 100 chłopcaŭ, što adsłužyli ŭ armii, znoŭ vyklikali ŭ rajonny vajenkamat, dzie 23 lipienia prajšło «mierapryjemstva papieradžalna-prafiłaktyčnaha charaktaru», jak piša hazieta rajvykankama, piša «Fłahštok».
Kab «dapamahčy z vybaram prafiesii», vajenkam zaprasiŭ na sustreču pradstaŭnikoŭ siłavoha błoku rajona (supracoŭnikaŭ milicyi, rabotnikaŭ rajonnaha adździeła pa nadzvyčajnych situacyjach), a taksama pradpryjemstvaŭ rajona. Pry hetym bolšaja častka z tych, chto adsłužyŭ u armii, užo ŭładkavalisia na pracu, adznačajecca ŭ publikacyi.
Ale ich taksama vyklikali ŭ vajenkamat — dla taho, kab pradstaŭniki suda i prakuratury raspaviali im pra «najbolš časta sustrakalnyja pravaparušeńni i złačynstvy i adkaznaść vinavatych asob». Takuju prafiłaktyku patłumačyli tym, što «zvolnienyja ŭ zapas vajskoŭcy praciahły čas nie sutykalisia z paŭsiadzionnymi kłopatami hramadzianskaha žyćcia».
Raniej masavuju «apracoŭku» aficyjna niepracaŭładkavanych pačali pravodzić rajonnyja adździeły milicyi.
Ciapier čytajuć
Alaksiej Chlastoŭ, jaki pajšoŭ u taksisty, staŭ hierojem internetu. Biełarusy zapuścili fłešmob, kab padtrymać śpievaka z čornaha śpisu12
Kamientary