Pamior biełaruski hramadski dziejač u ZŠA Viačka Stankievič, paviedamiła ŭ fejsbuku daśledčyca biełaruskaj emihracyi Natalla Hardzijenka. Jamu było 92 hady. Siarod inšaha jon 10 hadoŭ uznačalvaŭ Biełaruskuju słužbu «Radyjo Svaboda».
Viačka Stankievič naradziŭsia ŭ Vilni 15 vieraśnia 1932 hoda ŭ siamji viadomaha movaznaŭcy i hramadskaha dziejača Janki Stankieviča dy jahonaj žonki Maryi, pavodle pachodžańnia češki.
U 1949 hodzie razam z baćkami Viačka Stankievič pryjechaŭ u ZŠA. Spačatku pasialiŭsia ŭ Miniesocie, paźniej žyŭ u Kliŭlendzie, dzie ŭdzielničaŭ u stvareńni biełaruskaj futbolnaj kamandy «Pahonia». U 1951—1954 hadach słužyŭ u amierykanskim vojsku, paśla viartańni ź jakoha žyŭ u Ńju-Jorku.
U 1959 hodzie skončyŭ Ńju-Jorkski haradski kaledž z dypłomam inžyniera-elektronika. U 1968 hodzie u Ńjuarskim inžyniernym kaledžy (Ńju-Džersi) atrymaŭ stupień mahistra inžyneryi. Hulaŭ za ńju-jorkskuju futbolnuju kamandu «Biełaruś». Byŭ aktyŭnym siabram Zhurtavańnia biełaruskaj moładzi ŭ Amierycy, staršynioj jaho ńju-jorkskaha adździeła, paźniej staršynioj Hałoŭnaj upravy. Pracavaŭ inžynieram u karparacyjach ITT i WesternUnion. U 1963—1966 hadach u suviazi z pracaj žyŭ u Zachodniaj Jeŭropie, paźniej viarnuŭsia ŭ Ńju-Jork.
Byŭ siabram Biełaruska-Amierykanskaha zadzinočańnia, uvachodziŭ u kiraŭnictva arhanizacyi (staršynia Hałoŭnaj upravy ŭ 1969—1971 i 2007—2011 hadach). U 1988—1998 hadach byŭ kiraŭnikom Biełaruskaj słužby «Radyjo Svaboda». Paśla viarnuŭsia ŭ ZŠA.
U 2003 hodzie pieraniaŭ kiravańnie Fundacyjaj imia Lva Sapiehi. Radny BNR, byŭ abrany zastupnikam staršyni Rady. U 2009—2018 hh. byŭ staršynioj Biełaruskaj fundacyi Piatra Kračeŭskaha. U 2013 hodzie razam z žonkaj zakłaŭ fundacyju Monroe-Vilnia Foundation dla padtrymki roznych biełaruskich prajektaŭ.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu50
Kamientary