Padčas śniehapadu minskija taksisty padniali ceny ŭ dva-try razy
Padpisčyki vydańnia Smartpress ździŭlenyja tym, jak rezka vyraśli ceny pasłuh taksi ŭ stalicy. Vysoki popyt na taksi pavialičyŭ ceny ŭ niekatorych vypadkach utraja.
Pavodle nazirańniaŭ minčukoŭ, a 8‑j ranicy košt «Jandeks-taksi» ad «Minsk-Śvietu» da Sucharava byŭ 64 rubli. «Heta ŭtraja bolš, čym zvyčajna», — aburanyja žychary stalicy.
«Ad «Puškina/Žukava» da «Minsk-Śviet» — 32 rubli. Taki ceńnik byŭ apoŭdni», — raskazvaje inšy minčuk.
«39,5 rubla pieravozčyk prosić za 6‑chvilinnuju pajezdku, jakaja raniej, navat u hadziny pik, abychodziłasia maksimum na 20 rubloŭ», — kaža Anastasija.
«30 rubloŭ za 7 prypynkaŭ razhladaju, jak biezzakońnie», — dzielicca Alena.
«Voś jašče mahu šykanuć i za 20 rubloŭ dva prypynki da Puškinskaj prajechać», — žartuje dziaŭčyna.
Inšyja čytačy raskazali pra šaścichvilinnyja pajezdki, za jakija treba vykłaści amal 20 rubloŭ.
Sa słoŭ advakatki Viktoryi Ramančykavaj, rehulavańnie cen (taryfaŭ) na pasłuhi taksi zakanadaŭstvam Biełarusi nie praduhledžana. Heta značyć, što pieravozčyki (ahrehatary) majuć prava ich vyznačać samastojna, tamu pavyšeńnie cen padčas śniehapadu nie supiarečyć zakonu.
Biełaruskija čyhunačniki čyściać šlachi śpiecyjalnym ciahnikom
Stała viadoma, što zdaryłasia z mužčynam, trup jakoha adkapali ŭ śniezie ŭ Minsku
93 pryharadnyja aŭtobusy nie dajechali da kancavoha punkta maršrutu, u 43 vypadkach maršruty byli admienienyja
Ci dać kurjeram vychadny ŭ zaviruchu? Ludzi spračajucca, biznes adhukajecca
Śniehapad nad Minskam nie adstupaje
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary
Čisto po buržuinski .