Estonija pažyćciova zabaraniła ŭjezd u krainu Łukašenku i jašče 272 asobam
Urad Estonii ŭ čaćvier pryniaŭ rašeńnie zrabić sankcyi suprać Biełarusi biesterminovymi, praciahnuŭšy zabaronu na ŭjezd dla klučavych pradstaŭnikoŭ biełaruskaha režymu, paviedamlaje err.ee
Inicyjatyvu ŭnios ministr zamiežnych spraŭ Marhus Cachkna, padkreśliŭšy, što situacyja z pravami čałavieka ŭ Biełarusi zastajecca niaźmiennaj, a padtrymka Minskam rasijskaj ahresii suprać Ukrainy tolki ŭzmacniaje nieabchodnaść cisku.
«Na praciahu amal piaci hadoŭ paśla ŭviadzieńnia sankcyj u Biełarusi nie adbyłosia stanoŭčych źmienaŭ. My nie možam zakryvać vočy na praciahłyja represii, tamu sankcyi pavinny zastavacca biez abmiežavańnia pa terminie», — zajaviŭ Cachkna, słovy jakoha pieradała pres-słužba MZS Estonii.
Pa zahadzie ministra, u śpisie asobaŭ, na jakich raspaŭsiudžvajucca sankcyi, značacca 273 čałavieki, u tym liku vysokapastaŭlenyja čynoŭniki, sudździ, siłaviki, prapahandysty i nabližanyja da Alaksandra Łukašenki. U tym liku i sam Łukašenka, jakoha ni Estonija, ni šerah inšych krain ES nie ličać lehitymnym kiraŭnikom dziaržavy.
Sankcyi ŭpieršyniu byli ŭviedzienyja Estonijaj u 2020 hodzie na fonie masavych pratestaŭ paśla prezidenckich vybaraŭ u Biełarusi. Raniej jany niekalki razoŭ padaŭžalisia i byli časovymi.
Kamientary
Aby ničoha nie rabić, aby nie sudzić złačyncaŭ, aby ŭmacavać jadro łukašyzmu dla dalejšaha ź im handlu!