Stalica Irana moža być pieraniesienaja z-za katastrafičnaha deficytu vady
Iran sutyknuŭsia ź biesprecedentnym vodnym kryzisam, jaki ŭžo paŭpłyvaŭ na žyćcio miljonaŭ ludziej i pracu dziaržaŭnych ustanoŭ. U adkaz na paharšeńnie situacyi prezident krainy Masud Piezieškijan nie vyklučyŭ mahčymaści pieranosu stalicy z Tehierana.
Jak paviedamlaje Spigel.de, prezident Irana nazvaŭ situacyju z zabieśpiačeńniem vadoju stalicy «surjoznaj» i zajaviŭ, što krainie daviadziecca razhladać navat pieranos administracyjnaha centra jak varyjant vyratavańnia.
Pa słovach Piezieškijana, «u Tehierana sapraŭdy skončyłasia vada». Zaraz u horadzie žyvuć kala 15 miljonaŭ čałaviek, i kryzis užo paŭpłyvaŭ na pracu dziaržaŭnych struktur i pramysłovych pradpryjemstvaŭ.
Jak piša The Guardian, na hetym tydni Iran pieražyŭ samyja haračyja dni z pačatku hoda — i, mahčyma, samyja vysokija tempieratury ŭ śviecie: u asobnych rehijonach krainy słupok termomietra ŭzdymaŭsia ad +50,3°S da +52,8°S.
Pry hetym za apošnija piać hadoŭ u krainie nazirajecca rekordna nizki ŭzrovień apadkaŭ, vadaschoviščy amal vysachli, elektrastancyi pracujuć ź pierabojami, a zabieśpiačeńnie elektraenierhijaj časta parušajecca.
Pavodle dziaržaŭnaha infarmacyjnaha ahienctva IRNA, adno z najbujniejšych iranskich vadaschoviščaŭ moža całkam vysachnuć na praciahu čatyroch tydniaŭ.
Na siami bujnych płacinach uzrovień vady apuściŭsia nižej za 10 %, a ŭ pravincyjach Charmazhan i Fars niekatoryja płaciny ŭžo zusim biez vady. Klimatyčnyja ekśpierty adznačajuć, što kala 80 % vadaschoviščaŭ praktyčna pustyja. U najbližejšyja dva miesiacy narmalnaje vodazabieśpiačeńnie małavierahodnaje — pakul daždžy vosieńniu nie palepšać situacyju.
U adkaz na katastrofu ŭrad zakryŭ usie škoły i dziaržaŭnyja ŭstanovy jak minimum da suboty. Mnohija fabryki prypynili pracu, što pryviało da źnižeńnia vytvorčaści i pahrozy masavych zvalnieńniaŭ. Aficyjnaja pradstaŭnica ŭrada Fateme Machadžerani nazvała situacyju «stychijnym biedstvam».
Dziasiatki tysiač žycharoŭ stalicy pačali masava pakidać horad i pierajazdžać u paŭnočnyja pravincyi, u tym liku da Kaśpijskaha mora, dzie prablem z vodazabieśpiačeńniem pakul niama. Na fonie kryzisu ŭsio hučniej čutno krytyku na adras isłamskaha režymu i miascovych uładaŭ, jakich abvinavačvajuć u nieefiektyŭnym kiravańni i niazdolnaści adkazać na vykliki, źviazanyja z klimatyčnymi źmienami.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik28
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1313
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć13
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary