Mierkavańni2525

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay

Nievierahodny śpiektakl kryvadušnictva z usioj hetaj historyjaj kiss cam na kancercie Coldplay. Ci nie pałova čałaviectva, ŚMI, influensieraŭ rahoča abo dakaraje hałoŭnych hierojaŭ zdareńnia, zabyvajučy pry hetym važnuju detal, piša ŭ fejsbuku žurnalist Dźmitryj Hurnievič.

Skrynšot ź videa

Pałova darosłaha nasielnictva našaj pryhožaj płaniety, jak kažuć daśledavańni, zdradžvaje svaim partnioram abo partniorkam. Zdrada — heta vybar, i ludzi, naturalna, pavinny brać za jaho adkaznaść. Ale nie pierad ananimnymi masami, jakija nieviadoma ź jakoha pierapudu pryznačyli siabie žaŭnierami maralnaści, a pierad tymi, čyj davier jany padviali. (Darečy, my nie viedajem, jakija tam damovy ŭnutry abiedźviuch siemjaŭ).

Fejsbuk katory dzień padkidvaje vyjavy anhielskamoŭnych pablikaŭ i ŚMI, dzie pišuć, jak toj CEO moh zdradzić, kali jaho žonka bolš simpatyčnaja. Abo jak taja načalnica adździeła kadraŭ mahła zdradzić svajmu mužu, kali jaje muž taksama CEO i jašče bahaciejšy. Heta dzivosnyja pytańni ad darosłych ludziej, i jany vielmi prymityvizujuć źjavu. Adkul my viedajem, što tam adbyvałasia ŭnutry i hałoŭnaje, a nam ta što da hetaha?

Mnie tam najpierš škada zdradžanych i ich dziaciej, ludziej, jakim nievynosna baluča, jakija bačać svaich baćkoŭ navat na miemach ahienctvaŭ rytualnych pasłuh.

Ani kropli nie chaču baranić tych, chto chavaŭsia ŭ tych słavutych kadrach ad kamiery. Ale nam jany ničoha nie pavinny. Tyja, kamu pavinny, spadziajusia, spytajuć ad ich pa poŭnaj.

A adzinaja lekcyja z hetaj historyi — pryvatnaje žyćcio pavinna być tabu dla ŚMI (kali nie vykazanaje pažadańnie advarotnaha). Biezadkaznyja ludzi pieratvaryli žyćcio svaich blizkich u piekła, a sacsietki padlili stolki aleju, što połymia z Masačusietsa bačnaje pad Klimavičami.

A lekcyjaj ad zdradaŭ hety vypadak i tak nie stanie. Naadvarot, navučyć lepšaj maskiroŭcy.

Kamientary25

  • Emma
    21.07.2025
    Nie umničajtie, Hurnieviċ, eto stało dostojanijem obŝiestviennosti, i v etom bolšoj vośpitatielnyj ryčah, vieduŝij k očiŝieniju čiełoviečiestva ot dvuličija. Da skolko žie možno objaśniať?
  • Patryjarcham padharaje
    21.07.2025
    Što isnuje hramadstva, jakoje admaŭlaje ŭsiedazvolenaść. Chaču - čeles kaleham razsyłaju, chaču - paluboŭnicu na kancert viadu, pakul žonka ź dziećmi siadzić.
  • Apraŭdańnie
    21.07.2025
    1. Vy ničoha nie dabilisia ŭ žyćci, tamu nie možacie mianie śmiaščać z pasady
    2. Vy takija ž jak ja, čamu majecie pretenzii?
    Łohiki niama. U kaho niama łohiki - niama čaho rabić na pasadzie vyrašać los ludziej. Niachaj zam jahony rukavadzit ad ciapier. Chvacit. Kabieta s*ała ŭ vočy kali pašpart znajšli hetaha, muža jajenaha, kdbešnika. Navošta jaje słuchać? Ja nie ja chata nie maja. Budu siadzieć dali *cać vam u vočy. Jasna.

Ciapier čytajuć

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia1

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Usie naviny →
Usie naviny

Na vulicy Matusieviča ŭ Minsku pobač ź dziciačym sadkom upaŭ bieśpiłotnik38

Kamandarm Litvy: Moža być i tak, što nijaki abjekt u Litvu ź Biełarusi i nie zalataŭ4

U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik4

Rasija ŭdaryła pa kałonii ŭ Zaparožskaj vobłaści. Zahinuli 16 čałaviek

«Fantastyčnaja čaćviorka: Pieršyja kroki» — novy błakbastar z supierhierojami i Piedra Paskalem. Tam zhadvajecca i Minsk3

Jak źmianilisia biełarusy paśla 2020 hoda? Cikavaje nazirańnie byłoha palitviaźnia8

Ukrainskija bieśpiłotniki atakavali bujny čyhunačny vuzieł u Rastoŭskaj vobłaści2

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8

Stralba ŭ chmaračosie na Manchetanie: zabityja čatyry čałavieki, strałok zastreliŭsia

bolš čytanych navin
bolš łajkanych navin

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia1

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić