U Nihieryi raspaŭsiudžvajecca lichamanka Łasa, suprać jakoj niama vakcyny
Z pačatku hoda Nihieryja achoplenaja ŭspyškaj lichamanki Łasa. Hetaja patencyjna śmiarotnaja chvaroba zdolnaja vyklikać epidemii, i ŭ ciapierašni čas suprać jaje nie isnuje vakcyny, pieradaje Bi-Bi-Si.
Hetaja chvaroba — nie novaja, ale ciapierašniaja ŭspyška biesprecedentnaja pa svaich maštabach i chutkaści raspaŭsiudžvańnia. Supracoŭniki miedustanovaŭ pracujuć na miažy mahčymaściaŭ, niekatoryja ź ich sami zarazilisia i stali achviarami chvaroby.
Pavodle prybliznych acenak, ad virusa zahinuli kala 90 čałaviek. Sa studzienia ŭ Nihieryi było zafiksavana bolš za 1000 vypadkaŭ padazreńnia na lichamanku Łasa, ź ich 317 paćvierdžanyja.
Lichamanka Łasa — heta vostraje virusnaje hiemarahičnaje zachvorvańnie, jakoje moža paražać roznyja orhany i razburać kryvianosnyja sasudy. U bolšaści zaražanych chvaroba praciakaje ŭ lohkaj formie: lichamanka, hałaŭny bol, ahulnaja słabaść abo naohuł bieź simptomaŭ. Ale ŭ vostrych vypadkach praciahu chvaroba moža supravadžacca kryvaciokami z nosa, rota i inšych častak cieła.
Pa statystycy, śmiarotny zychod nadychodzić prykładna ŭ 1% vypadkaŭ. Adnak pry ciapierašniaj uspyšcy ŭ Nihieryi śmiarotnaść, pa dadzienych Nacyjanalnaha centra pa kantroli za infiekcyjnymi zachvorvańniami, dasiahaje 20%.
Na hety momant jość niekalki pierśpiektyŭnych kandydataŭ na rolu vakcyny, adnak ni adzin ź ich nie byŭ zaćvierdžany i nie dajšoŭ da vytvorčaści.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty18
Kamientary