«Nam patrebien adukacyjny centr»: ksiondz Uładzisłaŭ Zavalniuk pra rekanstrukcyju Čyrvonaha kaścioła ŭ Minsku
Probašč minskaj parafii sv. Symona i Aleny ks. kanonik Uładzisłaŭ Zavalniuk Catholic.by raskazaŭ pra toje, jak budzie vyhladać Čyrvony kaścioł paśla rekanstrukcyi, jakaja raspačałasia vosieńniu 2017 hoda.
Śviatar adznačyŭ, što rekanstrukcyja budzie iści ŭ try etapy: spačatku — rekanstrukcyja śviatyni zvonku, druhi etap — restaŭracyja znutry, treci etap — adkryćcio duchoŭna-aśvietnickaha centra.
Centr źmieścicca ŭ asobnaj prybudovie da kaścioła, jakaja, pavodle słoŭ śviatara, była praduhledžana jašče ŭ prajektnych dakumientach fundatara.
Duchoŭna—aśvietnicki centr pry kaściole abjadnaje niadzielnuju škołu, budzie pravodzić adukacyjna-raźvivajučyja hurtki dla dziaciej i h.d.
«Ź dziećci my pracujem na praciahu siami hadoŭ, ad padrychtoŭki da pieršaj Kamunii da katechiezy školnikaŭ. Niadzielnuju škołu pry kaściole ŭ nas naviedvajuć bolš za 800 dziaciej, tamu adukacyjny centr, jaki źjavicca, dakładna nie budzie pustavać», — zaŭvažyŭ ks. Uładzisłaŭ.
Jak dadaŭ probašč samaj vialikaj minskaj parafii, za ŭsie 107 hadoŭ z momantu ŭźviadzieńnia śviatyni ŭ joj ni razu nie było kapitalnaha ramontu.
Siońnia iduć pracy pa zamienie dachu śviatyni — mietaličnuju dachoŭku mianiajuć na kieramičnuju. U płanach — zamiena vitražoŭ.
«Rekanstrukcyja — sprava zaŭsiody niaskoraja. Spačatku treba ŭsio vyvučyć, a ŭžo tady prystupać da vykanańnia pracy. Tamu tut u nas paralelna idzie i daśledavańnie, i biahučyja pracy. Raspačali ź plabanii. Ja skazaŭ by, što heta tolki pieršyja kroki, usio asnoŭnaje jašče napieradzie».
Dla viernikaŭ i turystaŭ Čyrvony kaścioł u Minsku adkryty z 6.00 da 21.00. U niadzielu tut pravodzicca 11 imšaŭ.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary