Ahulny biudžet Alimpijskich hulniaŭ u paŭdniovakarejskim Pchiončchanie skłaŭ 12,5 młrd dalaraŭ. Takim čynam, sumniŭny rekord, ustalavany na Alimpijadzie ŭ Sočy ź biudžetam u 51 młrd dalaraŭ, nie pabity.
Raschody na zimovyja Alimpijskija i Paralimpijskija hulni ŭ Sočy ŭ 2014 hodzie prykładna ŭ čatyry razy pieravysili vydatki na Alimpijadu-2018 u Pchiončchanie. Pra heta śviedčyć spravazdača arhanizatarskaha kamiteta Alimpijady ŭ Paŭdniovaj Karei, apublikavanaja ŭ piatnicu, 23 lutaha, paviedamlaje vydańnie dw.com.
Zhodna z dakumientam, jaki znachodzicca ŭ rasparadžeńni infarmahienctva SID, ahulny biudžet Hulniaŭ-2018 skłaŭ 12,5 młrd dalaraŭ (10,1 miljarda jeŭra). Dla paraŭnańnia, biudžet Alimpijady ŭ Sočy byŭ roŭny 51 młrd dalaraŭ (41,4 miljarda jeŭra).
Na arhanizacyju samich Hulniaŭ u Pchiončchanie było vydatkavana 2,4 młrd dołaraŭ (1,9 miljarda jeŭra). Astatnija srodki pajšli na infrastrukturnyja prajekty, źviazanyja z Alimpijadaj. Samym zatratnym ź ich stała budaŭnictva vysakachutkasnaj čyhunačnaj mahistrali ź Sieuła ŭ Pchiončchan, raźmieščany za 170 km ad stalicy. Na hety prajekt syšło 3,4 młrd dalaraŭ (2,7 młrd jeŭra).
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ8
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary