Prezident Polščy Andžej Duda padpisaŭ zakon, u jakim utrymlivajecca pastupovaja admova ad handlu ŭ niadzielnyja dni. Cyrymonija padpisańnia adbyłasia siońnia ŭ prezidenckim pałacy i tranśliravałasia ŭ pramym efiry polskaha telebačańnia, paviedamlaje BiełTA.
Polski lider padkreśliŭ, što praktyka admovy ad handlu pa niadzielach ŭžo daŭno dziejničaje ŭ mnohich krainach ES. Parłamient Polščy pryniaŭ zakon ab abmiežavańni handlu ŭ niadzieli u kancy 2017 hoda.
Inicyjatarami zakona stali prafsajuz «Salidarnaść» i katalickaja carkva. Zhodna z dakumientam, z 1 sakavika 2018 hoda abmiežavańnie handlu budzie adbyvacca ŭ kožnuju druhuju niadzielu miesiaca.
U 2019 hodzie kramy pa niadzielach buduć pracavać tolki raz u miesiac. Z 2020 hoda zabarona ŭstupić u siłu całkam: u Polščy nielha budzie zrabić pakupki ŭ apošni dzień tydnia, za vyklučeńniem niekalkich niadziel pierad bujnymi śviatami.
Parušalnikam zakona budzie pahražać štraf ad 1 tys. Da 100 tys. Złotych ($285 — $28,5 tys.). U dakumiencie jość šerah vyklučeńniaŭ. Tak, zabarona nie budzie tyčycca piakarań, kandytarskich, aŭtazapravak, kijoskaŭ, haścinic i šerahu inšych małych abjektaŭ roźničnaha handlu.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha13
Kamientary