Adbylisia paśpiachovyja pieršyja lotnyja vyprabavańni novaj ukrainskaj kryłataj rakiety naziemnaha baziravańnia, zdolnaj dakładna traplać u naziemnyja i marskija celi, paviedamlaje «Ukrainskaja praŭda».
Pra heta raspavioŭ sakratar Rady nacyjanalnaj biaśpieki i abarony Alaksandr Turčynaŭ paśla zaviaršeńnia vyprabavańniaŭ.
Pavodle jaho słoŭ, heta całkam ukrainskaja raspracoŭka kanstruktaraŭ dziaržaŭnaha pradpryjemstva «DziaržKKB «Pramień» u supracoŭnictvie ź inšymi dziaržaŭnymi i pryvatnymi pradpryjemstvami APK Ukrainy.
Turčynaŭ taksama paviedamiŭ, što SNBA, jaki kaardynuje nacyjanalnuju rakietnuju prahramu, pastaviŭ zadaču «raspracavać kompleksy kryłatych rakiet nie tolki naziemnaha, ale taksama marskoha i pavietranaha baziravańnia».
«Dalokaść dziejańnia našych kryłatych rakiet i ich bajavy ryštunak nie supiarečać padpisanym Ukrainaj mižnarodnym pahadnieńniam dla takoha vidu zbroi», — dadaŭ jon.
«Dla Ukrainy heta vielmi važnaja padzieja, bo paśla tatalnaha razzbrajeńnia ŭkrainskaj armii zhodna z Budapiešckim miemarandumam, na ŭzbrajeńni Uzbrojenych Sił Ukrainy nie zastałosia nivodnaj kryłataj rakiety», — adznačyŭ Turčynaŭ.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary