U niadzielu ŭviečary ŭ Puchavicki RAUS pastupiła paviedamleńnie, što na pradavačku kramy ŭ Marjinaj Horcy napaŭ mužčyna ź pistaletam. Na miesca zdareńnia adpravilisia milicejskija narady, kiraŭnictva Puchavickaha RAUS, supracoŭniki kryminalnaha vyšuku i śledča-apieratyŭnaja hrupa, paviedamlaje UUS Minabłvykankama.
Akazałasia, što napadnik nie imknuŭsia zavałodać materyjalnymi kaštoŭnaściami. Jon, znachodziačysia ŭ vidavočnym stanie apjanieńnia, pryjšoŭ vyśvietlić adnosiny z pradaŭcom. Jak raspaviała sama pracaŭnica kramy, demanstrujučy pistalet, mužčyna nakinuŭsia na jaje, staŭ chapać za vałasy, pahražać, udaryŭ, pry hetym patrabavaŭ prabačeńniaŭ.
Taksama vyśvietliłasia i mahčymaja pryčyna kryŭdy naviedvalnika. Niekalkimi hadzinami raniej mužčyna ŭžo byŭ u kramie. Pry hetym jaho stupień apjanieńnia była takoj, što pradaviec nie tolki vykazała pretenzii, ale i paznačyła niemahčymaść absłuhoŭvańnia niećviarozaha klijenta. Chutčej za ŭsio, heta i stała padstavaj dla ahresii.
Padčas prahladu kamier videanazirańnia supracoŭniki kryminalnaha vyšuku vyśvietlili i jašče adnu detal. Padčas svajho pieršaha vizitu mužčyna padychodziŭ da handlovaha abjektu ŭ kampanii žančyny. Jaje apisańnie taksama było pieradadziena ŭsim supracoŭnikam milicyi, jakija šukali napadnika na vulicach Marjinaj Horki.
Padobnuju pa prykmietach žančynu nieŭzabavie zaŭvažyli. Jana nie admaŭlała, što była ŭ kramie sa svaim znajomym. Nieŭzabavie 38-hadovy miascovy žychar byŭ zatrymany. U jaho byŭ znojdzieny i pnieŭmatyčny pistalet — kopija pistaleta Makarava.
U dačynieńni da zatrymanaha zaviedzienaja kryminalnaja sprava pa častcy 3 artykuła 339 Kryminalnaha kodeksa Respubliki Biełaruś (asabliva złosnaje chulihanstva). Jamu pahražaje pazbaŭleńnie voli na termin da dziesiaci hadoŭ.
Kamientary