Kanstytucyjny sud Małdovy pryniaŭ rašeńnie časova prypynić paŭnamoctvy prezidenta krainy Ihara Dadona paśla taho, jak toj dvojčy adchiliŭ prapanavanyja kiraŭnikom urada kandydatury čatyroch ministraŭ i dvuch vice-premjeraŭ.
Sud paličyŭ, što takija dziejańni prezidenta stali parušeńniem zakanadaŭstva respubliki, jakoje dazvalaje kiraŭniku dziaržavy adchilać kandydatury tolki adzin raz. Časova vykonvać abaviazki prezidenta pryznačyli staršyniu parłamienta i premjer-ministra. U bližejšyja dni jany zmohuć padpisać ukazy ab pryznačeńni šaści novych členaŭ urada.
Ihar Dadon u svaim Facebook napisaŭ, što Kanstytucyjny sud krainy pryniaŭ nieabdumanaje rašeńnie, jakoje znachodzicca «na miažy zakonnaści i pa-za miežami zdarovaha sensu», i z-za hetaha staŭ zakładnikam samoha siabie. «Ni dla kaho nie sakret, što siabry KS pahadzilisia «hrać» tak, jak im budzie dyktavać kirujučy režym demakrataŭ», - adznačyŭ jon, padkreśliŭšy, što takoje rašeńnie źjaŭlajecca parušeńniem zakonnych pracedur.
«Što tyčycca majoj pazicyi, to ja pryniaŭ rašeńnie nie sastupać. Heta lepš, čym potym hadami tłumačyć, čamu byŭ pryznačany na pasadu toj ci inšy skład ministraŭ, jakija skampramietavali siabie», - skazaŭ na zakančeńnie Dadon, jakoha ličać u Małdovie prarasijskim palitykam.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary