Jak budzie vyhladać novy budynak na miescy byłoha Muzieja vajny na Kastryčnickaj płoščy
Na miescy źniesienaha muzieja Vialikaj Ajčynnaj vajny haradžanie prasili zrabić skvier. Ale ŭłady paličyli, što pravał pamiž dvuma budynkami płošču nie ŭpryhožyć i dazvolili kampanii «Bielinta-Roba» (jakaja ŭvachodzić u «Dana Chołdynhs») pabudavać tut šmatfunkcyjanalny centr. Na dniach kampanija razasłała rendary, jaki pakazvajuć, jak budzie vyhladać budynak.
Kancepcyju fasadaŭ tłumačać tak: «Budynak «Viełkom» dyktuje duch siońniašniaha dnia i sučasnych tendencyj. Akramia taho, prymajučy pad uvahu nieabchodnaść «prymireńnia» roznych kirunkaŭ, varta addać pieravahu stylu na miažy kłasiki i sučasnaha madernu. Architekturnuju kancepcyju budynka zadaje eklektyka dvuch stylaŭ — łakaničnyja formy nieakłasiki arhanična spałučajucca z pramymi elemientami kłasiki».
Zabudoŭščyk nie pakazvaje, jakoj vyšyni budzie budynak. Na rendary jon nie vyšejšy za budynak «Vełkoma», ale heta ŭmoŭnaść, jak i čystaje pole za budynkam. I vosiem pavierchaŭ, jakija prahladajucca z fasadaŭ, nie dazvalajuć vyznačyć realny maštab budynka — bo vyšynia paviercha moža być i 3, i 6 mietraŭ.
My paprasili architektara Dźmitryja Alchimoviča pa praporcyjach budynka zrabić aryjencirovačny raźlik vyšyni.
Budynak z aryjencirovačnymi paramietrami ŭpisali pamiž budynkam «Viełkoma» i DK prafsajuzaŭ.
Budynak nie «zadušyć» navakolnyja, ale stanie novaj daminantaj płoščy.
Što budzie ŭnutry?
U aficyjnym paviedamleńni zabudoŭščyka skazana: «Prajektam praduhledžany pamiaškańni dla samych bujnych suśvietnych brendaŭ i kampanij; aptymalnyja da raźmiaščeńnia suadnosiny handlovych płoščaŭ kłasa luks drobnaha farmatu (ekskluziŭnyja hadzińniki, juvielirnyja vyraby, pradmiety vysokaj mody), administracyjna-ofisnych pamiaškańniaŭ u spałučeńni ź biźnies-apartamientami vysokaha kłasa i restaranam z ahladnaj terasaj na dachu budynka».
Heta značyć buduć ofisy brendaŭ, buciki i žyllo dla pradstaŭnikoŭ biznes-elity.
U padvalnym paviersie zapłanavany haraž i dadatkovaja dvuchuzroŭnievaja stajanka - va ŭnutrydvarovych terytoryjach budynka.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary