Kacia Cikota ŭpała ź dziciom i ni adzin mužčyna nie dapamoh: Jany prosta hladzieli
Dyzajnierka Kacia Cikota napisała ŭ fejsbuku post prykraści. Kali ŭ centry Minska jana paśliznułasia i ŭpała na lod ź dziciom u ślinhu, ni adzin čałaviek, jaki bačyŭ heta, nie dapamoh maładoj žančynie padniacca.
Ja, napeŭna, žyvu ŭ inšym śviecie. Ale časam uspaminaju, što žyvu ŭsio ž u krainie z panurymi tvarami i žančynapadobnymi mužykami. Tak, ciapier budzie nie pazityŭny post. Ja nie lublu, kali niešta adbyvajecca, a ŭsie vakoł robiać vyhlad, što ničoha nie adbyvajecca. Ale «heta Biełaruś, dzietka».
Siońnia z Zacharam vyjšli z domu ŭ studyju, ale nie paśpieli prajści i troch padjezdaŭ, jak ja paśliznułasia na 10-santymietrovym płaście lodu i… ŭpała. Z Zacharam u ślinhu, zaplečnikam za śpinaj i avośkaj na plačy. Ja nie skažu, što razmazałasia jak aładka: ja «hracyjozna» ŭpała na kaleni ź imhniennaj dumkaj «tolki b utrymać Zachara». Usie cełyja, usio dobra, ale ja nie adrazu ŭstała, lažała niekalki siekund i sprabavała skaardynavać apornyja punkty. Ale ja ŭpała akurat nasuprać mašyny, u jakoj siadzieŭ mužčyna. Nie, jon nie vyjšaŭ. U mašynie było navat dziciačaje aŭtakresła, to bok čałaviek viedaje, što takoje žančyna ź dziciom.
Za 20 mietraŭ ad mianie stajali dvoje mužčyn i kuryli, ale nichto ź ich nie padyšoŭ i navat nie rušyŭ ź miesca. Usie jany prosta hladzieli. Prosta hladzieli.
I žyviom my ŭ centry horada, dzie byccam by hopnikaŭ niama. Apranutaja ja taksama dobra: dyzajnierskaje palito, kapialušyk (heta na temu taho, kamu dapamohuć raniej: čałavieku, jaki achajna apranuty, ci z sumniŭnym źniešnim vyhladam). I ja była ź dziciom. Ale nichto nie zvaruchnuŭsia. I heta mianie napałochała. Napałochała jak žančynu.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary