Parodyja dla darosłych: biełarusam pakazali, čym zajmajucca błohiery VIDEA
Try čverci biełarusaŭ, pavodle dadzienych niadaŭna praviedzienaha daśledavańnia, nie viedajuć nivodnaha błohiera. Krama «Afiston» vyrašyła zapoŭnić hety prabieł i paznajomić suajčyńnikaŭ z tvorčaściu youtube-znakamitaściaŭ. Adrazu try samyja papularnyja błohiery krainy stali «zorkami» paradyjnaha rolika, u jakim ich syhrali viadomyja biełaruskija akciory.
Parodyja, źniataja ŭ farmacie standartnaha «vłoha», maje ŭzrostavaje abmiežavańnie 35+ i aryjentavanaja vyklučna na ludziej siaredniaha vieku. Viadomych u maładziožnym asiarodździ piersanažaŭ syhrali samy viadomy biełaruski komik, zasłužany artyst Respubliki Biełaruś Jaŭhien Kryžanoŭski, aktrysa Respublikanskaha teatra biełaruskaj dramaturhii Maryja Piatrovič i zasłužany artyst Biełarusi Alaksandr Suckovier.
Pratatypami hierojaŭ vystupili try samyja papularnyja i abmiarkoŭvanyja siarod moładzi błohiery: Uład Bumaha, Dzima Jermuzievič i Julija Hadunova.
U videa paradyrujucca standartnyja farmaty, jakimi błohiery viadomyja. A taksama vykarystoŭvajucca pryjomy zdymki, mantažu i ŭstavak z papularnych videa internetu minułych hadoŭ, jakija zachaplajuć padletkavuju aŭdytoryju. Akramia taho, akciory pa-dobramu žartujuć z pahoni za chajpam i razmaŭlajuć na maładziožnym słenhu.
Videa nasyčana adsyłkami da najbolš viadomych padziej z žyćcia błohieraŭ: 24-hadziny čelendž ad Ułada Bumahi, abklejka stykierami kramy, «zhon» akaŭntaŭ u Instahramie i asabistyja ŭzajemaadnosiny pamiž imi.
Kamientary