Jak u biełaruskim pierakładzie hučyć «Padu li ja, striełoj pronziennyj»?
«Padu li ja, striełoj pronziennyj?» — hetyja radki z «Jaŭhiena Aniehina» stali miemam. A jak jany buduć pa-biełarusku?
«Isnujuć dva pierakłady «Jaŭhiena Aniehina» na biełaruskuju movu», — raskazvaje litaraturaznaŭca Hanna Sieviaryniec.
Voś hety kavałak:
Padu li ja, striełoj pronziennyj,
Il mimo proletit ona,
Vsio błaho: bdienija i sna
Prichodit čas opriedielennyj,
Błahosłovien i dień zabot,
Błahosłovien i ťmy prichod!
Aleś Dudar pierakłaŭ jaho tak:
Ci ja ŭpadu, strałoj prabity,
Ci mima pralacić jana,
Ŭsio dobra: pilnaści i sna
Prychodzić momant viekavity;
Błahasłaviony dzień turbot,
Błahasłaviony ćmy prychod.
A voś varyjant Arkadzia Kulašova:
Ci ja zahinu pad strałoju
A ci jana mianie minie,
Niachaj: u dziejnaści i śnie
usio źmianiajecca čarhoju.
Błahasłavien i dzień turbot,
błahasłavien načy prychod.
Čytajcie taksama: Znojdzieny pierakład na biełaruskuju movu «Jaŭhiena Aniehina», jaki 80 hadoŭ ličyŭsia stračanym
Aleś Dudar pieršym ŭ historyi pierakłaŭ «Aniehina» na biełaruskuju, ale viadomyja byli tolki niekalki ŭryŭkaŭ. U hadavinu «Čornaj nočy» tvor budzie pračytany ŭ žyvym efiry, jak u premjernym 1936-m, kali tranślacyja išła na ŭvieś Miensk praz repraduktary. Hetym razam — anłajn na ŭvieś śviet. Pieršuju hłavu pradekłamuje narodnaja artystka Biełarusi Zinaida Bandarenka.
Pierakład byŭ znojdzieny daśledčycaj Hannaj Sieviaryniec padčas pracy nad spadčynaj tvorcy, ideja «mašyny času» naležyć paetu Alesiu Płotku. Zavadatary tłumačać: «Nazyvać niešta ŭnikalnym — movieton, ale viartańnie pieršaha biełaruskaha «Aniehina» nielha apisać inačaj. Hetaja akcyja — najmienšaje, što možna zrabić dla tvora i pierakładčyka. Heta nie tolki cahlina ŭ mur biełaruskaj pierakładčyckaj spravy, ale i, my peŭnyja, — pačatak mody na rasstralanych paetaŭ».
Dla vizitu na žyvoje čytańnie arhanizatary prosiać usich žadajučych zarehistravacca ŭ prostaj elektronnaj formie, kab usim chapiła miesca. Kali płany źmianiajucca, to ŭ formie treba vypravić «tak» na «nie».
Tranślacyju možna budzie hladzieć doma ci ŭ lubym publičnym miescy, dzie jość internet, ekran i žadańnie dałučycca da prahladu.
Link na tranślacyju tut.
Arhanizatary zaprašajuć dałučycca da tranślacyi čytańnia kalehaŭ ź miedyja, biblijatek, kaviarniaŭ i ŭsich miescaŭ, dzie radyja acalełamu biełaruskamu słovu.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary