U Ciarnopalskaj vobłaści Ukrainy ŭ piačory Aptymistyčnaja śpieleołahi adkryli vialikaje padziemnaje voziera, jakoje pretenduje na zvańnie najbujniejšaha padziemnaha voziera Ukrainy, paviedamlaje Ukrinfarm.
Hłybinia voziera Mikron dasiahaje 5-6 m, płošča pavierchni — kala 500 kv. m. Kryštalova čystaja vada maje tempieraturu 7 hradusaŭ.
Jak piša TeNews, unikalnaja piačora Aptymistyčnaja niadaŭna adśviatkavała 50-hodździe z dnia adkryćcia. Štohod śpiecyjalisty padčas śpieleaekśpiedycyj znachodzili tut novyja chady, tamu siońnia piačora ličycca samaj doŭhaj u Jeŭropie. Siarod hipsavych piačor Aptymistyčnaja — samaja doŭhaja na płaniecie. Razhalinavańni chadoŭ u joj dasiahajuć 260 km.
U svoj jubilejny hod piačora, jakaja raniej ličyłasia amal zusim biazvodnaj, padaryła svaim daśledčykam šmat padziemnych azior: Mara, Čaścica Boha, Piacikancovaje, Piermskaje, Frykie, Mistyk, Kišeńka i Mikron.
Adkryŭ voziera Mikron śpieleołah Ihar Traciuk u krasaviku. Pa słovach daśledčyka, da voziera treba iści na kaleniach na praciahu dźviuch hadzin. Siońnia piačornaje voziera daśledujuć ludzi vielmi redkaj śpiecyjalnaści — śpieleadajviery. Z chadavikami, u hidrakaściumach i z kisłarodnymi bałonami jany sprabujuć prajści voziera pad vadoj.
-
Znajšli statuetku «Oskara» Paŭła Tałankina, što zhubiłasia padčas pieralotu ź Ńju-Jorka ŭ Frankfurt
-
Žonka zahinułaha biełaruskaha dobraachvotnika patrabuje źmianić zakon pra zvańnie «Hieroj Ukrainy», jakim nielha ŭznaharodzić zamiežnikaŭ
-
Rasšyfravany virus Fast16, jaki škodziŭ iranskaj jadziernaj prahramie
Kamientary