Chabaraŭskija taksisty, jakija prymusili pasažyraŭ zapeckać sabie tvary zialonkaj, bo tyja ź imi nie raspłacilisia, byli zvolnienyja paśla taho jak videa ź ich udziełam razyšłosia ŭ internecie, paviedamlaje VVS.
U słužbie taksi «Maksim» pahadzilisia skasavać damovu z taksistami paśla zvarotu Dalokaŭschodniaj asacyjacyi pieravozčykaŭ.
Nahadajem, na videazapisy dvoje mužčyn kala mašyny taksi prymušajuć dziaŭčynu pamycca zialonkaj. «Budziecie ŭ «Juciubie», — kaža taksist, nalivajučy zialonku ŭ dałoni adnoj z pasažyrak. Pobač staić siabroŭka dziaŭčyny ź zialonym tvaram i jašče adzin mužčyna, mierkavana, taksama taksist.
Kiroŭcy tłumačać toje, što adbyvajecca, tym, što dziaŭčaty jechali biez hrošaj. Myjučysia, dziaŭčyna śmiajecca i kaža, što kali b jana akazałasia śviedkaj zdareńnia, «sama stajała b i ŭharała».
Videa vyklikała rezanans — miascovaja palicyja pačała daśledčuju pravierku.
Videazapisaŭ, na jakich, miarkujučy pa apisańni, taksisty mažuć klijentaŭ, jakija nie zapłacili, zialonkaj, u rasijskim YouTube niekalki dziasiatkaŭ. Padobnyja vypadki adbyvalisia ŭ Nižaharodskaj vobłaści, u Omsku, Tahile, Lipiecku, Novakuźniecku i kazachstanskim Kastanai. Samaje daŭniaje videa datavanaje 2014 hodam.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty1
Kamientary