U subotu z akna piataha paviercha adnoj sa šmatpaviarchovak na staličnaj vulicy Skrypnikava vykinuli sabaku. Žyvioła zahinuła, a milicyja dla zatrymańnia mierkavanaha vinavataha vyklikała pažarnuju mašynu, kab pa leśvicy padniacca na piaty pavierch i trapić u kvateru praz akno, paviedamlaje TUT.BY.
Śviedka zdareńnia Dźmitryj paviedamiŭ, što adbyłosia ŭsio kala poŭdnia 26 žniŭnia. Vidavočcaŭ taho, jak sabaku vykinuli z bałkona, było šmat. Jany ž i vyklikali milicyju. Adnak u kvatery, ź jakoj vykinuli žyviołu, dźviery nie adkryli. Tady pravaachoŭniki vyklikali MNS, kab pa pažarnaj leśvicy trapić u patrebnuju kvateru na piatym paviersie, raspavioŭ śviedka. Susiedzi charaktaryzujuć siamju jak «niadobranadziejnuju».
U kvatery było troje čałaviek: žančyna hadoŭ 50 i dvoje maładych mužčyn, usie niećviarozyja, paviedamlaje telekanał ANT. Susiedzi raspaviali, što da sabaki haspadary stavilisia nie vielmi dobra. Adna žycharka hetaha doma navat chacieła zabrać sabaku sabie, adnak haspadynia ŭ apošni momant pieradumała.
«Mužčyna, jaki vykinuŭ sabaku z akna, zatrymany. Pravodzicca raźbiralnictva dla ŭstanaŭleńnia pryčyn taho, što adbyłosia, a taksama pryciahnieńnia za žorstkaje abychodžańnie z žyviołami, zhodna z artykułam 339-1 KK», — zajaviła aficyjny pradstaŭnik Frunzienskaha RUUS Natalla Askira.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty10
Kamientary