Lehienda anhlijskaha futboła byŭ zaŭvažany na vulicach horada ŭ hałoŭnym modnym antytrendzie: šlopancach razam sa škarpetkami.
Fotazdymak z takoj pramaškaj staŭ miehapapularnym u sacyjalnych sietkach. Karystalniki žartavali: «Nu, kali Devid nosić škarpetki z sandalami, to heta pa-lubomu modna! Chłopcy pa ŭsim śviecie pavinny pačać apranacca tak prosta ciapier!»
If David Beckham wears socks and sandals, then its suddenly fashionable anyway!! Lads everywhere being wearing em now!!
My spytali ŭ biełaruskaha błohiera, ekśpierta pa mužčynskaj modzie Illi Tryfanienkava, ci sapraŭdy možna śmieła spałučać hetyja rečy, kali sami zorki dyktujuć takija praviły.
«Škarpetki pad šlopancy — heta nikoli nie było i nie budzie modna. Na hetym tabu robicca chajp, i ludziam chočacca zrabić całkam naadvarot: tak by mović, nahrašyć pierad modaj. I Bekchem, chutčej za ŭsio, taksama zrabiŭ heta śpiecyjalna: koler škarpetak u jaho bieły, tak uvohule apranajucca tolki mužčyny na Zachadzie. U nas ža čaściej za ŭsio abirajuć ciomny koler (čorny abo sini), kab nichto nie bačyŭ. I hałoŭny arhumient tych, chto tak robić: mnie nohi nie mulaje. Adnak škarpetki pad šlopancy zaŭsiody vyhladajuć niedarečna, ja tak nie rablu — i vam nie raju».
Kamientary