«Rasieja vinavacić Zachad u padvojnaj marali. My viartajem hetyja abvinavačvańni Kramlu i pakazvajem jamu na padvojnuju maral adnosna Čačni i Paŭnočnaha Kaŭkazu», — zajaviŭ senatar.
Kandydat u prezidenty ZŠA Džon Makkiejn zajaviŭ, što paśla pryznańnia Rasiejaj Paŭdniovaj Asiecii i Abchazii krainam Zachada varta padumać ab niezaležnaści Paŭnočnaha Kaŭkaza i Čačni, jakaja padviarhałasia kryvavamu hvałtu z boku Rasiei.
«Ja dumaju, što ŭ bližejšyja tydni my praviadziem surjoznuju dyskusiju na hetuju temu», — paabiacaŭ Makkiejn.
«Rasieja vinavacić Zachad u padvojnaj marali. My viartajem hetyja abvinavačvańni Kramlu i pakazvajem jamu na padvojnuju maral adnosna Čačni i Paŭnočnaha Kaŭkaza», — zajaviŭ sienatar.
Nahadajem, što kandydaty na post prezidenta ZŠA — demakrat Barak Abama i respublikaniec Džon Makkiejn — abjadnalisia na hlebie asudžeńnia dziejańniaŭ Rasiei, jakaja pryznała niezaležnaść Paŭdniovaj Asiecii i Abchazii.
«Ja asudžaju rašeńnie Rasiei pryznać Abchaziju i Paŭdniovuju Asieciju ŭ jakaści niezaležnych dziaržaŭ i zaklikaju ŭsie krainy śvietu nie nadavać nijakaj lehitymnaści hetamu aktu», — havorycca ŭ piśmovaj zajavie Abamy.
Sienatar‑demakrat śćviardžaje, što «ZŠA pavinnyja ihrać viadučuju rolu ŭ AAN i ŭ inšych mižnarodnych forumach, kab kinuć jasnaje i nieasłabnaje śviatło na hetaje rašeńnie i pryvieści da nastupnaj mižnarodnaj izalacyi Rasiei z‑za jaje dziejańniaŭ».
Pa jahonym mierkavańni, ZŠA pavinnyja nieadkładna zapatrabavać sklikańnia terminovaha pasiedžańnia Rady Biaśpieki AAN. U zajavie padkreślivajecca, što dziejańni Rasiei robiać niemahčymym dla Kanhresa ZŠA ratyfikavać damovu ab amierykana‑rasiejskim supracoŭnictvie ŭ halinie mirnaha vykarystańnia atamnaj enierhii, jakuju nakiravaŭ zakanadaŭcam prezident Džordž Buš.
«Kali ŭrad Rasiei praciahnie parušać normy i praktyku mižnarodnaj supolnaści, ZŠA i našyja sajuźniki pavinnyja pierahledzieć usie aśpiekty adnosin z Rasiejaj», — havorycca ŭ zajavie Abamy.
Jahony supiernik, kandydat respublikanskaj partyi Džon Makkiejn u svajoj zajavie ŭkazvaje, što «dziejańni Maskvy zasłuhoŭvajuć asudžeńnia ŭsioj mižnarodnaj supolnaści, i Rasieja pavinnaja ŭśviadomić, što parušeńnie joju mižnarodnaha prava budzie mieć nastupstvy».
«Dadzienaje rašeńnie — heta kulminacyja daŭnich vysiłkaŭ, nakiravanych na adryŭ hetych dvuch rehijonaŭ ad Hruzii, i ŭjaŭlaje saboj vialiki krok napierad u hetym pracesie», — havorycca ŭ zajavie Makkiejna.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada30
Kamientary