Žycharka štata Mičyhan amierykanka Hlena Darem pryznana vinavataj u zabojstvie svajho muža Marcina. Svajaki niabožčyka ŭpeŭnienyja, što papuhaj žako, jaki žyŭ u hetaj siamiejnaj pary, zapomniŭ i paŭtaraŭ apošnija słovy achviary.
Jak paviedamiła śledstva, u mai 2015 hoda 47-hadovaja Hlena vypuściła ŭ muža piać kul, paśla čaho pasprabavała zastrelicca. Žury prysiažnych pryznała Hlenu vinavataj u naŭmysnym zabojstvie. U žniŭni ŭdavu čakaje prysud.
Papuhaj žako pa mianušcy Bad, jaki dastaŭsia ŭ vyniku papiaredniaj žoncy niabožčyka Kryścinie Kieler, pa jaje apoviedach, nie raz paŭtaraŭ hołasam svajho byłoha haspadara frazu «Nie stralaj!», jakaja supravadžałasia niecenzurnaj łajankaj.
Na sudzie ptuška nie prysutničała.
Abvinavačvańnie spačatku razhladała mahčymaść vykarystańnia hukaŭ, jaki vydavaŭ papuhaj, u jakaści arhumientu abvinavačvańnia.
Adnak u vyniku hetaja ideja była adchilenaja, i pradstaŭnik abvinavačvańnia zajaviŭ, što ptušku naŭrad ci zaprosiać u sud dla dačy pakazańniaŭ.
Ranieńnie ŭ hałavu, naniesienaje žycharkaj mičyhanskaj vioski Send-Łejk samoj sabie ŭ fatalny majski dzień dva hady tamu, akazałasia biaśpiečnym dla žyćcia.
Raniejšaja žonka niabožčyka Kryścina Kieler zaŭvažaje, što ptuška šmat razoŭ paŭtarała apošnija słovy Marcina.
Baćki Marcina paćvierdzili, što žako nie prapuskaje vypadku paŭtaryć čałaviečuju havorku, nie saromiejučysia pry hetym i mocnych vyrazaŭ.
Žako abo šery papuhaj (łac. Psittacus erithacus) žyvie ŭ Zachodniaj Afrycy i vielmi papularny siarod amataraŭ papuhajaŭ, pakolki adroźnivajecca vydatnaj zdolnaściu da hukapierajmańnia. Jon moža zapomnić bolš za paŭtary tysiačy słoŭ.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty18
Kamientary