Jak stała viadoma «Našaj Nivie», uviečary 30 červienia ŭ Starych Darohach supracoŭnik milicyi — papiarednie — inśpiekcyi pa spravach niepaŭnaletnich miascovaha RUUS, na ŭłasnym aŭtamabili źbiŭ dvuch chłopcaŭ.
Miascovyja žychary kažuć, što zdareńnie nibyta adbyłosia na piešachodnym pierachodzie, adnak, pavodle acenak milicyi, najezd adbyŭsia za miežami piešachodnaha pierachodu.
Adzin ź piešachodaŭ u vyniku zdareńnia trapiŭ u komu, u druhoha pierałamanyja nohi i ruki — abodva jany ŭ balnicy Słucka.
Pavodle papiaredniaj infarmacyi, chłopcy, jakija byli napadpitku, viartalisia dadomu — toj, što ŭ komie, žyvie akurat praz darohu.
My źviazalisia ź jaho maci. Jana śćviardžaje, što daviedałasia pra zdareńnie tolki praz 14 hadzin.
«Mnie aficyjna dahetul ničoha nie paviedamili, pra avaryju ŭvohule raskazali absalutna levyja ludzi! My jak daviedalisia, pajechali ŭ milicyju, a jany nam adrazu pra toje, kolki kampanija harełki vypiła! Nu i što? Tak, heta moj kryž, moj bol, syn časam złoŭžyvaŭ, ale jon ža nie biazdomny — jon praz darohu žyvie! Čamu vy nam nie skazali? U milicyi skazali taksama, što kiroŭca byŭ ćviarozy, chutkaść «u miežach normy» — 30 km/h. Ale chiba tady tak pieramałocić ludziej? Moj u vielmi ciažkim stanie, a toj, što źbiŭ, znachodzicca doma, jak nam skazali ŭ RUUS», — paviedamiła maci paciarpiełaha.
Zaviedzienaja kryminalnaja sprava.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary