Kałumnista adnoj z saudaŭskich haziet časova adchilili ad pracy z-za taho, što jon vykarystaŭ u adnosinach da karala krainy Sałmanu Sauda epitety, jakimi pryniata supravadžać vyklučna imia Ałacha. Žurnalist byŭ pakarany pa prośbie samoha manarcha, paviedamlaje VVS.
Epitet «al-chalim» u isłamie ličycca adnym z 99 imionaŭ Ałacha, «šadzid al-ikab» choć i nie ŭvachodzić u hety śpis, ale ličycca tradycyjnym epitetam, što apisvaje bostva. I adzin, i druhi epitet pa isłamskaj etycy vielmi niepažadana ŭžyvać da ludziej.
Saudaŭskaja hazieta «Al-Džazira» nie maje dačynieńnia da adnajmiennaha katarskaha telekanała i miedyjachołdynha.
Jak paviedamlajuć miascovyja ŚMI, kamplimientarnym tekstam aburyŭsia sam karol Sałman. Jon padzialiŭsia svajoj niezadavolenaściu ź ministram infarmacyi i kałumnista adchilili ad pracy.
U niadzielu, 2 lipienia hazieta «Al-Džazira» apublikavała prabačeńnie, u jakim havorycca, što niahledziačy «na ŭsie dabroty, jakimi Ałach adaryŭ karala Sałmana», vykarystańnie ŭ adnosinach da jaho boskich epitetaŭ niedapuščalna.
U Saudaŭskaj Aravii asnoŭnaj relihijaj źjaŭlajecca vachabizm - vučeńnie, nazvanaje ŭ honar arabskaha teołaha XVIII stahodździa Muchamada bin Abd al-Vachaba.
Asnova vachabizmu - ideja adzinabožža. Prychilniki hetaha vučeńnia adprečvajuć usie novaŭviadzieńni, pryŭniesienyja ŭ isłam - naprykład, pakłanieńnie śviatym i imamam, jak heta robiać šyity - i patrabujuć strohaha pakłanieńnia vyklučna Ałachu, jak heta było ŭ časy rańniaha isłamu.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi1
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary