Kaniuk pra aryštavanaha biznesmiena Ernesta Alaksiejeva: Heta prosta złodziej, jaki kraŭ u dziaržavy
U subjektach tavarapravodnaj sietki biełaruskich pradpryjemstvaŭ u Rasii niaredka kvitniejuć kryminał, čynoŭnickija «karmuški» i kumaŭstvo. Tak u hutarcy z žurnalistami acharaktaryzavaŭ situacyju hienieralny prakuror Biełarusi Alaksandr Kaniuk, paviedamlaje BIEŁTA.
Akramia inšaha, jon nahadaŭ, što Hienprakuratury daručana zajmacca pytańniami debitorskaj zapazyčanaści. Pa jaho słovach, kryminalny składnik u pytańniach debitorskaj zapazyčanaści pakul źnizić nie ŭdałosia.
«Što siońnia adbyvajecca z tavarapravodnymi sietkami? Vy, napeŭna, čuli pra apošnija hučnyja spravy. Aryšt Alaksiejeva — heta ŭsio ŭ tym ža kantekście, heta adzin z machlaroŭ, złodziejaŭ, pa-inšamu kažučy, jaki značnyja sumy kraŭ u dziaržavy, vyvieŭ ich praz afilavanyja sistemy za miažu. Častku pieravioŭ na niezrazumiełyja firmy. Prosta złodziej. Jon aryštavany, znachodzicca ŭ Minsku, paniasie pakarańnie. Naohuł tavarapravodnyja sietki, jak jany pracujuć, na moj pohlad jak hienieralnaha prakurora, jany sa svajoj zadačaj nie spraŭlajucca. Mała taho, što nie spraŭlajucca, jašče i ździajśniajuć złačynstvy», — adznačyŭ Alaksandr Kaniuk.
Kamientary