ZŠA praviali paśpiachovyja vyprabavańni mižkantynientalnaj balistyčnaj rakiety Minuteman III. Pra heta paviedamlaje The National Interest sa spasyłkaj na zajavu VPS krainy.
Pusk byŭ zrobleny z bazy Vanderbierh (štat Kalifornija). Rakieta, jakaja pralacieła kala 6440 kiłamietraŭ (4000 mil), była abstalavanaja inertnaj hałaŭnoj častkaj. U vyniku zapusku była źniščanaja ŭmoŭnaja cel na Maršałavych vyspach.
«Hetyja zapuski Minuteman nieabchodnyja dla taho, kab pravieryć stan našaj jadziernaj zbroi i prademanstravać jaje zdolnaści», — zajaviŭ pałkoŭnik Džon Mos.
U zajavie vajskoŭcaŭ taksama śćviardžajecca, što dadzienaje vyprabavańnie dazvalaje pierakanacca, što ZŠA zdolnyja padtrymlivać uzrovień «mocnaha, efiektyŭnaha jadziernaha strymlivańnia» jak važnuju častku nacyjanalnaj biaśpieki.
Rakiety siamiejstva Minuteman stajać na ŭzbrajeńni ZŠA z 1970 hoda i nieadnarazova prachodzili madernizacyju. Rakieta źjaŭlajecca adzinaj MBR naziemnaha baziravańnia na ŭzbrajeńni ZŠA. Miarkujecca, što hetaja rakieta zastaniecca na ŭzbrajeńni da 2020 hoda. Pavodle danych z adkrytych krynic, ZŠA vałodajuć 450 MBR takoha typu z 550 jadziernymi bojehałoŭkami.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary