Kab nie było zatoraŭ. DAI źmianiła zvykły ruch na padjezdach da mohiłak pad Minskam
Z-za vialikaha napłyvu naviedvalnikaŭ na Radaŭnicu DAI źmianiła arhanizacyju ruchu na darohach, prylehłych da Paŭnočnaha i Michanavickija mohiłki pad Minskam. Zroblena heta dla zručnaści hramadzian i ŭ paźbiahańnie zatoraŭ, kažuć u UUS Minabłvykankama
Paŭnočnyja mohiłki
Padjechać da Paŭnočnych mohiłkaŭ možna z boku aŭtadarohi R-58 Minsk — Kałačy — Miadzieł.
Na ŭčastku trasy N-9031 Kałodziščy — Zasłaŭje, prylehłym da mohiłak, z boku kalcavoha pierasiačeńnia z aŭtadarohaj R-58 Minsk — Kałačy — Miadzieł u napramku skryžavańnia z padjezdam da vioski Zabałoćcie budzie arhanizavany adnabakovy ruch z vyłučeńniem pałasy sustrečnaha kirunku dla ruchu hramadskaha transpartu.
Mašyny, jakija buduć jechać z boku raźviazki na MKAD u vioscy Cna, adpraviać u abjezd pa darohach Dubaŭlany — Baraŭlany —Karaloŭ Stan i Minsk — Kałačy — Miadzieł.
«Transpartnyja srodki naviedvalnikaŭ mohiłak u suviazi z adsutnaściu stajanak dastatkovaj umiaščalnaści buduć raźmieščany na pravaj abočynie aŭtadarohi Kałodziščy — Zasłaŭje, isnujučych haściavych stajankach mohiłak», - udakładnili ŭ abłasnoj DAI.
Michanavickija mohiłki
Padjezd da Michanavickija mohiłki arhanizavany pa darozie Novy Dvor — Michanavičy — Piacieŭščyna praz pasiołak Michanavičy. Vyjezd — pa aŭtadarozie Asiejeŭka — Michanavičy i Smalavičy — Samachvałavičy — Nieharełaje.
Parkavacca dazvolena na ŭzbočynach prylehłych prajezdaŭ, a taksama na samoj terytoryi mohiłak z ujezdam u asnoŭny prajezd i vyjezdam praz zapasnyja varoty ŭ kalcavym režymie.
«U pieryjad zapaŭnieńnia razvarotnych placovak aŭtobusami ŭjezd i vyjezd asabistaha transpartu budzie ažyćciaŭlacca praz zapasnyja varoty», — patłumačyli ŭ DAI.
Ciapier čytajuć
Marata Markava pierasunuli z pasady ministra infarmacyi ŭ ministry kultury10
Kamientary