Na futbole ŭ Rečycy čynoŭnik zabaraniŭ razharnuć hierb horada. Bo na im «Pahonia» FOTA
Aktyŭnaść rečyckich zaŭziataraŭ ad pačatku futbolnaha siezona ŭziali pad žorstki kantrol.
Na matč miascovaj kamandy z «Kleckam» adzin z zaŭziataraŭ pranios na stadyjon ściah z vyjavaju hierba horada i nadpisam «Rečyca» na fonie bieł-čyrvona-biełaj stužki. Kali ž jon pasprabavaŭ vyviesić hety ściah na siektary, jaki raniej tradycyjna zajmali fanaty miascovych kamand «Viedryč» i «Rečyca-2014», da trybuny adrazu ž paśpiašalisia pradstaŭniki ŭłady.
Namieśnik načalnika adździeła adukacyi, sportu i turyzmu rajvykankama Alaksandr Horbač, jaki niepasredna kiravaŭ tym, što adbyvałasia na stadyjonie, razam z supracoŭnikam milicyi zahadali źniać ściah z aharodžy fanackaj trybuny. Pamiž zaŭziataram i pradstaŭnikami ŭłady adbyłasia karotkaja hutarka. Alaksandr Horbač arhumientavaŭ zabaronu tym, što hety ściah nie zarehistravany ŭ Biełaruskaj fiederacyi futboła ŭ jakaści simvoliki, jakuju možna vykarystoŭvać na futbolnych matčach. Jak paviedamiŭ «Našaj Nivie» zaŭziatar, kali jon zaŭvažyŭ, što na ściahu ŭsiaho tolki aficyjny hierb horada, Horbač uvohule skazaŭ: «Ja suprać, kab vy vyviešvali niejkija svaje ściahi na majoj majomaści». Paśla hetaha ściah z aharodžy trybuny stadyjona źniali.
Hierb Rečycy — adzin ź niekalkich hierboŭ biełaruskich haradoŭ, jaki maje ŭ svaim składzie «Pahoniu».
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj13
Kamientary